Organisacionnan di futbol cu mocion di desconfiansa contra AVB

ORANJESTAD – Pa medio di un carta fecha 16 di juli, 20 asociacion di futbol na Aruba, miembro di Arubaanse Voetbal Bond (AVB) ta pidi pa cabez di directiva di e bond. Den e carta, nan ta pidi pa por medio di articulo 17 lid 15 di e Huishoudelijk Reglement di AVB, pa añadi e puntonan di agenda segun contenido di e carta. Den esaki, nan ta papia di entre otro mocion di desconfiansa contra 4 miembro di directiva, y posibel retiro, si nan mes no retira voluntariamente.

CARTA

Den e carta, nan ta mustra cu nan kier añadi 2 agenda punt extra, pa e ALV (Algemene Leden Vergadering) programa pa dia 5 di augustus proximo. E prome punto ta un mocion di desconfiansa contra entre otro Richard Dijkhoff, Lysander Besselink, Kurt Thomas y Rosemin Croes. Y como punto dos, kier trata posibel retiro di e miembronan menciona di directiva, dado caso nan mes no entrega nan retiro di un forma voluntario.

MOTIBO

Motibo duna pa e mocionnan, ta cu nan no ta sinti cu pa medio di e presidente di e bond, Richard Dijkhoff, e por hiba futbol na Aruba na un nivel aceptabel. Plannan cu a wordo poni riba mesa, segun e grupo di firmante, no a materialisa y esey ta perhudicando futbol di Aruba. Lesa e carta manda pa AVB aki.