Na Corsou, Corte a bolbe rechasa peticion pa libera ex parlamentario “Lo” Martines

Posted on 06/12/2025 9:46 am AST | Updated on 06/12/2025 9:51 am AST

WILLEMSTAD - Ayera mainta korte di promé instansia a bolbe trata kaso di Michelangelo “Lo” Martines. No opstante petishon di su abogadonan, mester bisa ku wes un biaha mas a rechasá su petishon pa bai liber pendiente tratamentu dje kaso. T’asina ku Martines ta ser akusá di ta envolví den diferente kaso di trafikashon di droga, ku el a hasi kontakto ku esnan envolví pa organisá i koordiná un ke otro hasiendo uso di un telefòn spesial di “Sky-ECC”. Segun e akusashon, den e periodo di novèmber 2019 pa desèmber 2019 el a asumí un ròl pa organisá trafikashon un kantidat di 20 kilo di kokaina. E droga akí lo mester a yega Europa via dje kanalnan di Kòrsou, Panamá, Hulanda i Spaña. E droga a ser hinká den maleta i poné riba avion pa el a yega su destino. Kasi e mesun ‘modus operandi’ lo a ser usá den kaso di trafikashon di 100 kilo, pues hasiendo uso di e tipo di telefòn sofistiká, skondí den tas i kahanan. Pero e biaha ei e droga a pasa e ruta Kòrsou, Panamá, Bélgika. E kaso akí a tuma lugá na luna di febrüari 2020.

Banda di e kasonan di trafikashon di droga tambe ta akusá Martines di labamentu di plaka, ya ku hustisia a bin nota transakshonnan no usual di entre 100.000 i 200.000 euro ku el a hasi.

Su abogadonan, mr. Eldon “Peppie” Sulvaran i mr. Marije Vaders a hasi un apelashon serio riba korte pa laga nan kliente den libertat pendiente e investigashonnan adishonal ku a ser pidí. Ámbos abogado a trata di konvensé wes ku e forma kon Ministerio Públiko a anda ku e kaso akí no ta korekto. Esei pa motibu ku OM lo a tene hopi informashon balioso afó konsientemente pa asina nan tin un kaso sólido siendo ku por tin hopi informashon ku lo ta na bentaha di Martines.

Na nan opinion, den e dokumentonan di investigashon ku tin, niun kaminda por skucha kòmbersashonnan ku ta inkriminá Martines. Al kontrali, e kòmbersashonnan ku por a tuma nota di dje tin di haber ku e forma popular kon hendenan na Kòrsou ta komuniká ku otro, pues palabranan manera “kèm kèm”, “bo mes sa”, “trankil” etc. Tambe a pidi pa nan kliente bai pa motibu ku un dje agentenan polisial enkargá ku opservashon dje pasonan di Martines a kometé fayo di bisa ku Lo tabata huntu ku un tal sr. Lak. Asta nan a papia di Lo Mutueel, ku ta un otro persona.

Pero wes mr. Bracht a konsiderá ku e akusashonnan kontra Martines ta muchu pisá pa lag’é den libertat i pues el a keda detené, pero e biaha akí si ku un fecha fiho pa trata su kaso. A disidí ku korte lo trata e kaso dia 20 di ougùstùs pa 10or di mainta. NOTA: Texto ta scirbi den Papiamento fonetico di Corsou.

OM: Ex-parlamentario di Corsou Calmes a falsifica 3 slip di salario di su colaboradonan
WILLEMSTAD - Ayera èks-parlamentario i lider polítiko di partido Trabou pa Kòrsou, Rennox Calmes, a presentá den korte sin abogado. E akusashon ku tin kontra di Calmes ta ku den periodo di 1e di mart 2022 te ku 28 di febrüari 2023 e so òf konhuntamente ku mas hende a falsifiká slep di salario di tres kolaboradó. E promé kolaboradó di inisial B. ku el a falsifiká su slep di salario ta for di mart 2022 te ku novèmber 2022. El a falsifiká kolaboradó B. su slep salario na 5 okashon; e di dos kolaboradó di inisial P. El a falsifiká su slep di salario na 3 okashon den luna di desèmber 2021 pa febrüari 2022. E último kolaboradó di inisial J.V., el a klasifiká su slep di salario na kuater okashon. El a falsifiká e salario bruto riba e slep di salario dje kolaboradónan. Na un okashon esaki tabata di 11.316, 34 florin, i despues a bisa 3670,17 florin, 5435 florin, 6624 florin i 9300,28 florin. E mester a manda e dokumentonan falsifiká sea via di meil òf app pa griffier di parlamentu. Na momentu ku un persona bira kolaboradó, e ta risibí 25% di su último salario. E suma aki ku su último salario, ta bira e total ku e ta gana komo kolaboradó di un frakshon den parlamentu.
Mas Corsow
Lesa Mas
Seleccion nacional di futbol di Corsou a keda elimina di Gold Cup
SAN JOSE - Ayera Selekshon di Kòrsou a topa ku Honduras, den un wega krusial pa disidí ken ta avansá pa kuart final di Gold Cup. Kòrsou a pèrdè lamentablemente ku skor di 2-1.
Mas Corsow
Lesa Mas
Corsou tin algun cara nobo awe pa wega Gold Cup contra Honduras
SAN JOSE - Pa e wega di awe pa e Copa Di Oro na Merca, entre Corsou y Honduras, e hungadornan Leandro i Juninho Bacuna ta suspendé, pa motibu di akumulashon di karchi. Esaki ta nifiká ku lo bai tin dos buraku den e bolante di selekshon di Kòrsou kontra Canada.
Mas Corsow
Lesa Mas
Na Corsou, Maduro & Curiels Bank a introduci su CEO y presidente nobo
WILLEMSTAD.- Den patio di Museo di Kòrsou ayera a tuma lugá Sera Konosí ku Quinten, e CEO i presidente nobo di Maduro & Curiels Bank.
Mas Corsow
Lesa Mas
Ayera den Gold Cup: Corsou a debuta cu empate contra El Salvador
SAN JOSE - Kos a start ayera pa Kòrsou den Gold Cup, ora ku nan a topa ku El Salvador den nan promé partido di e kompetensia. Den un wega ku Kòrsou a lusi mas mihó, e dos selekshonnan a parti punto den un empate na sero. Kòrsou a kuminsá ku mas mihó wega den e prome 15 minütnan di e partido, pero sin por a anotá gol. Leandro Bacuna tabatin un chèns den un huki difísil na di 13 minüt, pero e kiper Mario Gonzalez a trese salbashon.
Mas Corsow
Lesa Mas
Entrenamento forense di CARICOM ta fortalece e lucha contra crimen cu arma di candela den Caribe
PHILIPSBURG – Di dialuna 2 te cu diabierna 6 di Juni 2024, a tuma luga na Sint Maarten un entrenamento forense special di sinku dia tocante un tecnica innovativo di analisis forense. E entrenamento aki, organisa pa CARICOM den colaboracion cu e Trinidad and Tobago Forensisch Science Centre (TTFSC) i e Korps Politie Sint Maarten, ta yuda polis resolve crimen cu arma di candela na un manera mas eficiente.
Mas Corsow
Lesa Mas