- Wever: Automobilistanan lo ricibi nan plachinan di number den e proximo dianan
- Hall of Famer Andruw Jones a bishita minister Eman y Croes na Aruba
- Encuesta di Noticiacla riba percepcion di Aruba su carnaval
- ANALISIS: Dia di San Valentino: Amor berdadero of un trampa comercial?
- Polis a detene apenas 2 persona durante parada di luz na San Nicolas
CFt/CAFt kier supervision financiero uniforme pa tur teritorio den Caribe Hulandes
W’STAD/DEN HAAG.- Den senado hulandes (“Eerste Kamer”) mas y mas e deseo ta crece pa yega na uniformidad den supervision financiero den Reino Hulandes. Durante di un reunion recien e comicion di Relacionnan den Reino di e senado por a tende gritunan pa mas consistencia den e manera con ta organisa e supervicion financiero.
Durante e reunion miembronan di e comicion cu a reuni cu Colegio di Supervicion Financiero (Cft) a bisa cu nan ta boga pa miho coordinacion entre e sistemanan pa supervision financiero di Corsou, Aruba y St. Maarten y e sistema pa islanan BES. Segun e colegio, actualmente ta asina cu tin diferente regimen. Esaki ta administrativamente complica y ta stroba e traspaso di conocemento y sosten. For di e senado tambe ta sostene un uniformidad mas grandi, particularmente cu bista riba transparencia y con ta fortalece maneho financiero di forma structural.
Durante e reunion a para keto na e e proposicion di ley pa maneho financiero pa islanan BES (Finbas). E ley nobo aki mester modernisa y fortifica e control financiero riba islanan BES. Segun Cft e ley ta contene cambionan importante. Manera un regimen di control den etapa caminda ta wak e nivel di maneho financiero pa cada isla. A base di prestacion di e isla y riesgonan por aplica un supervision mas estricto of mas suave.
Un punto principal di atencion den e proposicion di ley ta e posicion di informacion cu Cft tin. E colegio kier garantianan legal cu e tin acceso na tur informacion relevante manera entrada, gasto y beneficionan special. Den e proposicion di ley ta regla tambe cu no ta solamente presupuesto di e islanan ta cay bou di supervision pero tambe entrada y gastonan di fondo- y proyectonan.
Finalmente ta boga pa un traspaso di conocemento structural pa e islanan. En bista cu e paketenan di pais ta yega na un final na 2027, e senadornan tin miedo cu e conocemento y guia di sosten ta bay perdi atrobe. Ta menciona evaluacion y fortificacion duradero como condicionnan esencial pa supervicion den futuro.
En conexion cu Dialuna di Carnaval, dialuna no tin sorteo di Lotto
Tin interes creciente pa Starlink pa Aruba, pero su efecto por ta limita
ORANJESTAD – Na Aruba e interes pa uso di e servicio di internet remoto Starlink ta creciendo. E forma di opera, compara cu sistema satelital tradicional,ta hacie interesante pa hopi isla. E ta traha diferente haciend’e un solucion efectivo pa area caminda no tin infrastructura di cable of fibra optico. Pero, segun director di SETAR, Roland Croes na Noticiacla, SETAR mes tin Aruba cubri totalmente pues e efecto pa uso remoto di internet ta casi nulo. Consecuentemente, e pensamento cu Starlink ta un bon reemplaso, no tey.
Lotto Aruba: Awe abo por ta e prome miyonario di Aruba pa 2026!
Croes: E producto di celular WOW a establece existencia di SETAR tempo di su tempo
ORANJESTAD – Durante su 40 aña di existencia, e compania di telecomunicacion SETAR, a produci centenares di Proyecto, product y cada uno tabatin su merito. Pero, riba pregunta reciente di periodista Tito Laclé na e director Roland Croes durante e programa Noticiacla LIVE, si tin un producto, cu a tipifica e compania y a pone riba e mercado, e contesta tabata, e product WOW. E servicio di telefon cu por a manda potret via telefon cellular pa otro cellular. Algo cu awendia ta algo ‘normal’. Esaki, segun e director Roland Croes, tabata un ‘game changer’ y cu a establece e existencia di SETAR na comienso di existencia di e compania. Asina e director a bisa e siman aki durante e programa Noticiacla LIVE.
Aruba a cambia su enfoke pa un turismo culinario den 2026
ORANJESTAD - Despues di añanan dependiendo principalmente riba su beachnan bunita, Aruba ta cuminsa atrae un otro tipo di turista: esun cu tin hamber. E asina yama turismo culinario, segun e Aruba Tourism Authority su Plan Corporativo nobo. Cu casi 90% di e 120.000 habitantenan emplea den turismo y hospitalidad, y cu e tasa mas haltu di turista cu ta bolbe bini den Caribe, ta cla cu turismo ta di importancia grandi pa Aruba. E popularidad ey ta stimula innovacion, y pa 2026 enfoke principal ta riba un direccion mas culinario.
Aruba su entrada den 2025 ta mas abou cu aña anterior, apesar di impuesto mas halto
ORANJESTAD – Entrada di gobierno di Aruba den 2025 a yega mas o menos 1,85 miyon florin, mas abou cu den 2024, ora cu entrada tabata casi 1,9 miyon florin. Esaki ta resulta for di cifranan reciente di ministerio di Finanza y Centrale Bank van Aruba.
Follow NoticiaCla
