Mayoria partido hulandes ta prefera eleccion parlamentario nobo!

DEN HAAG – Mayoria partido politico hulandes ta boga pa un eleccion nobo. Despues cu lider di partido PVV Geert Wilders a retira su sosten di e coalicion Schoof, tur cos ta mustra cu lo tin un eleccion nobo. Un gabinete minoritario no ta mustra positivo ya cu e e partido mas grandi den oposicion, PvdA/Groenlinks, no kier. Un partido ta pro pa continua, ta NSC y ta dispuesto pa sigui cu partidonan VVD y BBB. Segun un encuesta lihe, mayoria kier un eleccion nobo. Y esaki mas sigur lo tuma lugar den november di e aña aki.