- AAA: No mester kita sapato mas na aeropuerto ora di screen pa biaha!
- Avion di American Airlines cu a bati alarma prome, a baha bek sano y salvo na Aruba
- Gobierno a anuncia multa y sancion si viola prijs di producto den canasta basico
- Debe di gobierno na banconan a baha considerablemente caba den 2026
- Awe gana 150 mil florin cu Roll Down di Lotto di Dia
Huez na Gomez (DIMP): Bo lo a actua diferente si e persona no tabata sr. de Meza?
ORANJESTAD – “Bo lo a actua diferente si e persona no tabata sr. de Meza? Un sr. Croes por ehempel, un arubiano comun y coriente? E persona ey si lo a haya un declaracion di su comportacion fiscal positivo?” Huez a puntra director di impuesto (DIMP) mr. Luenne Gomez-Pieters diaranson den corte den e caso cu De Meza a entama contra DIMP. E caso a keda entama pa De Meza, debi cu segun De Meza, DIMP no kier duna sr de Meza un carta di comportacion fiscal positivo. Segun Gomez na e huez, DIMP no ta haci distincion den ken e persona ta: “Nos conoce un solo declaracion di comportacion fiscal” Gomez a bisa huez. E director di DIMP a sigui splica e huez cu e peticion pa declaracion di comportacion di De Meza a wordo haci den cuadro di su screening como candidato pa bira minister y como tal mester cumpli cu e cuadro stipula den e Landsverordening integriteit ministers (LIM). E ley aki ta exigi di Inspector di impuesto pa e duna:
un opinion general riba e comportacion fiscal di e candidato durante e ultimo 5 aña. Pa menciona circumstancianan cu por ta relevante pa cu e integridad di e funcion di minister.“E Inspector y Ontvanger di impuesto a cumpli cu nan mandato legal na formador y Gobernador pa medio di e resultado di nan investigacion cu a keda raporta dia 14 di maart 2025, y a cumpli cu e peticion di sr de Meza pa un declaracion di su comportacion fiscal dia 14 di april 2025, e trabao ta cla” asina Gomez a declara durante tratamento di e caso.
E CASO
Director di impuesto (DIMP) mr. Gomez-Pieters diaranson durante e tratamento di e caso, a bisa huez e.o. tambe cu DIMP a tuma nota di e demanda di e contra partido (Mike de Meza) y ta di opinion cu huez mester rechasa e demanda pa un asina yama ‘voorlopige voorziening’ ya cu no tin base legal pa esaki. Gomez-Pieters a sigura huez, cu basa riba peticion di e formadornan na februari di e aña aki, a entrega no un, sino dos biaha su conseho riba e peticion. E informacion duna, tabata confidencial y cu sigur di parti di DIMP, no tabatin lekmento di informacion. Por lo menos no di nan parti. Esaki pasobra di e contra partido, a insinua cu e informacion aki, lo a lek, causando hopi critica den direccion di De Meza cu, segun De Meza ta atacha su bon nomber.
DIMP Y ONTVANGER A CUMPLI
Ademas segun sra Gomez, den dos ocasion esta 14 y 28 di april 2025, a contesta sr de Meza riba su peticion pa un declaracion tocante su comportacion fiscal,mirando cu e mes a haci e peticion aki dia 7 di april 2025, despues di a entrega declaracionnan di impuesto cu tabata falta y haci pagonan necesario di debenan di impuesto cu tabata habri. E incertidumbre cu tin di haber cu benta di su accionnan den dos compania a keda pendiente. Como tal, no por a entrega un un declaracion di comportacion (positivo). De Meza ta demanda DIMP riba 9 di mei 2025, y ta exigi pa ‘schors’ e declaracion negativo riba e comportacion fiscal di 28 di april 2025. Gomez a duna un splicacion largo y technico na huez riba e proceso y procedura cu ta aplicabel conforme e Landsverordening Integriteit Ministers (LIM) y con Inspector a yega na su conclusion den su carta di 28 di april 2025. “Inspecteur a cumpli cu e peticion di de Meza y a duna un declaracion di su comportacion fiscal! Cu sr de Meza no ta di acuerdo cu e contenido, y no por haya su mes den e contesta (duna) ta algo otro” Gomez a bisa durante su defensa. Ademas, segun sra Gomez, e formador tin tur informacion necesario pa tuma un decision si e propone e candidato aki pa bira minister, y no ta na DIMP pa dicidi si De Meza (pa falta di e informacion aki), por bira minister, segun e directora di DIMP a sigui splica. Tambe Gomez a splica cu un declaracion di comportacion fiscal no por wordo considera como un desicion (“beschikking”) den e cuadro di e ley di LAR, pa motibo cu e declaracion di comportacion fiscal cu Inspector of Ontvanger di impuesto ta otorga,tin un caracter informativo. “Ta keda na e contribuyente of instancia cu ta pidi esaki dicidi kico ta wordo haci cu e informacion tocante e comportacion fiscal”. Ademas, segun sra Gomez, e declaracion di comportacion fiscal no tin un base legal cu excepcion di e Landsverordening aansprakelijkheid belastingen en premies, y ta wordo otorga a base di maneho di DIMP caminda e motibo pakico e peticion ta wordo entrega por ehempel un fiansa na banco, un destaho publico y den e caso aki candidatura pa bira un minister di Pais Aruba, ta determina con conciso of extenso e investigacion di Inspector of Ontvanger di impuesto lo ta
LIM
Riba pregunta di huez, cu si tabata trata di un otro persona cu no ta sr. De Meza, un rubiano comun y coriente, si e lo a haya un declaracion positivo, sra Gomez a sigura huez cu no ta haci distincion di ken ta pidi e declaracion. “Nos conoce un tipo di declaracion. No ta e persona ta determina e contenido di e declaracion, sino ta su comportacion fiscal y e motibo pa kico esaki ta wordo pidi”, e director a sigui splica huez. E peticion pa declaracion di comportacion di sr de Meza a wordo haci den cuadro di su screening como candidato pa bira minister y como tal mester cumpli cu e cuadro stipula den e Landsverordening Integriteit Ministers (LIM). E ley aki ta exigi di Inspector di impuesto pa e duna:
un opinion general riba e comportacion fiscal di e candidato durante e ultimo 5 aña. Pa menciona circumstancianan cu por ta relevante pa cu e integridad di e funcion di minister.“Inspector a cumpli cu su tarea a base di ley! Cualkier otro peticion pa declaracion di comportacion fiscal di De Meza ta redundante (“overbodig”)”, Gomez a terminabisando. Huez despues a cera e tratamento y a informa cu pa dia 4 di juni 2025, lo dicta sentencia den e caso aki.
Huez penal nobo Eric Diepraam nombra pa Aruba
DEN HAAG – Mr. Eric Diepraam lo bira huez den caso penal cu Aruba como su lugar di trabou. Actualmente e ta traha como huez na Tribunal di Amsterdam y tambe como docente na Studiecentrum Rechtspleging, centro di estudio pa e poder hudicial y Ministerio Publico na Hulanda. Conseho di Ministro di Reino a duna su aprobacion pa e nombramento riba propuesta di secretario di estado Van Bruggen di Husticia y Seguridad. E nombramentonan di mr. Diepraam lo drenta na vigor 1 di april 2026.
Ministerio Publico: Sospecho Ruiz (SSA) a acepta 100 ora di trabou comunitario y multa
ORANJESTAD - Awe e sospechoso H. Ruiz a presenta den un Cita cu Fiscal na Ministerio Publico pa responde pa malversacion di fondonan publico di placa di SSA (Stichting Sportsubsidie Aruba) den e caso conoci como Bromelia. Siman pasa Corte den Prome Instancia a condena e sospecoso principal den e caso Bromelia, e homber K.R.V., pa un castigo di prison di 16 luna, di cual 10 ta condicional, y un periodo di prueba di tres aña.
Brian Coffie a huramenta como huez suplente di Corte na Aruba
Ex trahado di SSA Vrolijk, sentencia na castigo di prizon pa estafa
ORANJESTAD – E ex empleado di gobierno K. Vrolijk diabierna a keda sentencia na 16 luna di castigo di prizon, di cual 10 ta condicional. Esey kier men cu e tin cu sinta 6 luna den prizon. Ademas pa 5 aña e no por fungi como ambtenaar di gobierno. Cu esaki, huez a mustra cu ta legalmente proba cu Vrolijk a estafa gobierno durante un aña y mei casi, pa un suma di 180 mil florin. Mirando cu e sentencia ta menos cu 1 aña cu e tin cu sinta, no a duna ordo pa detene Vrolijk mesora. Ademas, e ta for di Aruba pa basta tempo caba.
Hatzmann: Polisnan Violenes y Dirksz mester bay prizon pa 16 aña
ORANJESTAD – Abogado pa famia di e hoben Ayden Lanoy cu a keda tira mortalmente pa dos polis aña pasa, Geert Hatzmann, a considera e loke e polisnan a haci, como ‘Police Brutality’, osea brutalidad policial. Mes momento e la bisa dialuna den sala di corte cu famia Lanoy tabata gran parti di acuerdo cu e rekisitorio di fiscal, pero no cu e castigo. Envez di un castigo di 12 luna castigo condicional di prizon, nan merece 16 aña di castigo di prizon. Asina e la alega den su defensa cu a conta no menos cu 43 pagina dialuna atardi.
Corte: Accionnan paga ta conta manera bendí, asta sin firma
ORANJESTAD – Corte di husticia (Hof) a dicta cu un co-fundador anterior di un compania Arubano no por comporta su mes mas manera accionista, aunke huridicamente su accionnan nunca a wordo transferi formalmente. Asina, e Hof a yega na un resultado diferente cu e huez di prome instancia den un conflicto largo tocante derecho riba bista den cuenta anualnan.
Follow NoticiaCla
