SETAR ta firma acuerdo cu Dr. Horacio Oduber Hospital pa e servicio di Colocation

(ADVERTORIAL)

ORANJESTAD -  Recientemente SETAR a firma acuerdo cu Dr. Horacio Oduber Hospital pa e servicio di Colocation, unda cu SETAR lo host ekiponan di Hospital den nos Data Center.  SETAR a wordo escohi como partner strategico pa e proyecto di Elektronische Patienten Dossier (EPD) di Hospital, un sistema nobo unda cu lo warda tur informacion di patient di un manera centralisa. E ekiponan cu lo carga e sistema aki lo wordo warda localmente den e Data Center di SETAR. Wardando e informacion localmente ta garantisa e importancia di Data Privacy den cuadro di nos leynan y privacidad di informacion di patient. SETAR su Data Center ta un 3 tier design data center cu tin multiple ruta pa suministro di coriente y cooling y tin un sistema implementa pa update y mantencion sin cu ta bay offline. Actualmente ya caba SETAR ta host informacion di companianan local y internacional den nos Data Center. Pa SETAR, como nos compania nacional di telecomunicacion, ta un orguyo di tin e partnership importante aki y e confiansa di Hospital pa e desaroyo di nan sistemanan automatisa pa por brinda miho calidad di cuido na e comunidad di Aruba.