Hefe di polis di St Maarten scogi como prome Vice Presidente di ACCP

Posted on 05/27/2025 9:05 am AST | Updated on 05/27/2025 9:05 am AST

GEORGETOWN/PHILIPSBURG – Durante e di 39 Reunion Anual di e Association of Caribbean Commissioners of Police (Asociacion di Hefenan di Polis Caribense (ACCP), cu a tuma luga di 12 pa 16 di Mei 2025 na Arthur Chung Conference Centre na Georgetown, Guyana, Comisario Carl John, Hefe di Cuerpo Policial di Sint Maarten y Presidente di e Colegio di Hefenan di Polis di e parti Caribense di Reino Hulandes, a keda scogi como prome Vice-presidente di ACCP.

Nombramento di Comisario John pa e funcion prominente aki den ACCP ta un gran reconocemento di su entrega y liderazgo, y un honor pa e region Caribense di Reino Hulandes. Esaki ta demostra cu e contribucion di e islanan na siguridad regional no solamente ta wordo aprecia sino tambe respalda activamente riba plano internacional.

ACCP, funda na 1987, ta uni Hefenan di Polis di mas cu 20 pais y teritorio den Region di Caribe. E organisacion ta stimula cooperacion, intercambio di conocemento y un acercamento conhunto contra e problema di crimen cu ta transcende frontera nacional. Tur e cuerponan afilia ta enfrenta reto similar: crimen violento, traficacion di droga, traficacion di hende, crimen cibernetico, problema hubenil y e impacto di desigualdad socioeconomico riba siguridad. Ademas, desaroyo di capacidad, digitalisacion di investigacion y fortificacion di “community policing”, tur ta hungando un rol cada bes mas importante den e debate regional.

ACCP ta hunga un rol fundamental den e structura di siguridad regional di Caribe. ACCP ta conta cu un red fuerte, basa riba promocion di confiansa mutuo, facilitacion di cooperacion den practica y intercambio directo di conocemento y experiencia. Sigur pa cuerponan mas chikito, cu hopi biaha ta carga responsabilidad grandi pero cu recurso limita, ACCP ta un plataforma di gran balor; no solamente debi na e laso cu coleganan den region, sino tambe pasobra e ta duna acceso na experticio, formacion y representacion di interesnan comun.

Seis prezo di Sint Maarten temporalmente traslada pa Boneiro
KRALENDIJK – Recientemente a traslada seis prezo di e prizon Point Blanche na Sint Maarten pa Boneiro. E movementu ta sigui despues di un candela recien na e prizon dia 14 di mei ultimo y tencionnan pa motibo di derechonan di detencion limita y condicionnan malo, incluyendo scarsedad di personal y falta di facilidadnan. Abogadonan ta keha tocante e falta di consulta durante e traspasonan y e confidencialidad reduci di comunicacionnan. Autoridadnan ta enfatisa cu e traspaso ta temporal. Unabes cu e situacion riba Sint Maarten ta bou di control, e prezonan lo regresa. Ta bon pa menciona cu Aruba tambe a manda refuerso pa e isla ora cu e problema despues di candela a surgi.
Mas Region
Lesa Mas
Bon gobernacion y empresario lokal ta central durante bishita di Szabó na Boneiro
KRALENDIJK – Secretario di Estado Zsolt Szabó (Digitalisacion y Relacionnan den Reino) ta na Boneiro di 25 pa 28 di mei. Ademas di e discucionnan cu Conseho Ehecutivo, Gobernador y Representante Nacional Interino, Sr. Szabó lo bishitavarios compania y organisacion social. E prioridadnan clave di e Secretario di Estado ta autosuficiencia economico, bon gobernacion y finansa solido. Tur e topiconan aki ta wordo discuti durante e combersacionnan.
Mas Region
Lesa Mas
Reunion na Antigua a confirma cu turismo pa Caribe ta den bahada pa cuartal 3 di 2025
ANTIGUA – Durante e reunionan di turismo actual na Antigua, ATA a confirma cu turismo pa Caribe ta den bahada pa cuartal 3 di 2025. Tambe por remarca cu e reunionnan ta refleha un Caribe den bahada pa loke ta turismo Mericano den cuartal 3 2025. Un Aruba cu si ta mustra stabil por lo general, pero cu necesidad di pusha extra tambe pa cu cuartal 3 2025. Preocupacionnan pa cu e situacion na Merca a wordo subraya pero di otro banda tambe e resiliencia di e mundo di biahe y turismo y di Aruba, cu ta sigui ta parti di e top 5 di destinacionnan mas fuerte den Caribe.
Mas Region
Lesa Mas
Aruba ta presenta su vision pa sector agricola modern durante DCALFA na Boneiro awe
KRALENDIJK - Durante Dutch Caribbean Agriculture, Livestock, and Fisheries Alliance (DCALFA), cu ta inicia awe na Boneiro, minister Geoffrey Wever ta representa Aruba. Minister Wever ta presente hunto cu Sra. Nathalie Maduro di Santa Rosa y Sra. Maria Dijkhoff-Pita di Departamento di Asunto Economico, Comercio y Industria (DAECI). DCALFA ta uni representante di tur isla den Caribe Hulandes y Hulanda mes, pa fortifica cooperacion den agricultura, cria di bestia y pesca — e base pa seguridad alimenticio y desaroyo economico duradero den region. Aruba lo presenta su vision pa un sector agricola moderno, innovativo y inclusivo, cu infrastructura clave manera Santa Rosa, e Agri-Innovation Park y e futuro Center of Excellence.
Mas Region
Lesa Mas
A re-establece orden den prizon na St Maarten despues di candela
PHILIPSURG - Ayera tardi, algu despues di 5or prizòn Point Blanche na St. Maarten a bati alarma pa kandela. Un parti di e prizòn a keda sendé na kandela. E kandela a bira unu grandi i ta basta huma pretu tabata sali for di e instituto penitensiaro.
Mas Region
Lesa Mas
Venezuela a exporta 180 ton di producto nacional pa Aruba, Boneiro y Corsou
LA VELA DE CORO - Venezuela a exporta 180 ton di producto nacional pa Aruba, Boneiro y Corsou. “E 160 ton di productonan a sali for di Venezuela pa Aruba, mientras cu 20 ton a bay Curaçao”, asina Juan Gotopo, vice presidente di Camara di Comercio a splica. Gotopo, a informa cu na april ultimo, e pais a exporta 180 ton di producto pa e islanan Caribense di Aruba, Bonaire, y Curaçao. Den e sentido aki, el a destaca riba su cuentanan di medionan social cu esaki ta representa un aumento di 2.5% compara cu april 2024. El a splica cu 160 ton di producto a sali for di Venezuela pa Aruba, mientras cu 20 ton a bay Curaçao. Gotopo a declara cu entre januari y april, e pais a exporta mas o menos 1.075 ton di producto, cu 75.34% di e mercancia ta bay pa Aruba y 24.65% pa Curaçao. Tambe el a señala cu, di mei 2022 te cu april 2025, e pais a exporta 7.107 ton di producto pa e islanan ey, cu 5.087 ton ta bayendo pa Curaçao y 2.020 ton pa Aruba. Venezuela ta exporta productonan manera keshi, fruta, berdura, mata, fertilisante, potchi di flor, carbon, y material di construccion, entre otro, pa e islanan Caribense anteriormente menciona.
Mas Region
Lesa Mas