Tweede Kamer a aproba pa exonera impuesto riba biahe pa parti Caribe di Reino

DEN HAAG – Camara di Representantenan di Hulanda (Tweede Kamer) a aproba un mocion entrega pa Peter van Haasen, miembro di Parlamento pa Partido pa Libertad (PVV), pa exonera buelonan entre Hulanda y e partinan Caribense di Reino di e aumento di impuesto di biahe aereo proponi. E mocion, cu a pasa diamars, ta urgi Gabinete Hulandes pa sigura cu e impuesto di viahe aereo diferencia cu ta planea pa ehecuta na 2027 no ta conta pa buelonan pa y for di Aruba, Curaçao, Sint Maarten, Bonaire, Saba, y Sint Eustatius. Van Haasen a argumenta cu biahe aereo pagabel ta vital pa desaroyo social y economico di tur seis isla.

Tambe el a cita Francia como ehempel, señalando cu gobierno Frances ta exonera vuelonan den exterior di su impuesto di biahe aereo door di trata nan como rutanan domestico. E mocion a wordo considera durante discusionnan parlamentario riba e proximo ley cu ta regla belasting riba biahe aereo. Secretario di Estado Hulandes pa relacionnan di Reino Zsolt Szabó a opta pa laga e desicion final riba e mocion na Parlamento, cu a aproba esaki pa medio di votacion.

E exoneracion ta wordo mira como un victoria grandi pa e partinan caribense di Reino, garantisando accesibilidad continuo y pagabilidad di conexionnan aereo cu Hulanda, cu ta esencial pa turismo, negoshi, y relacionnan familiar.