InselAir Aruba a inaugura su buelo pa Republica Dominicana

ORANJESTAD – InselAir Aruba a inaugura otro ruta diaranson mainta, -e biaha aki pa Republica Dominicana-, cu e recepcion acostumbra. Esaki a ensera un ceremonia chikito na aeropuerto di Aruba, completo cu discurso di minister y otro personahe, y despues e buelo, pa despues tene e ceremonia oficial mes na e aeropuerto Las Americas den e capital di Republica Dominicano, Santo Domingo. Cortamento di cinta no a falta, y tampoco e spuit(nan) di bombero, manera ta un tradicion cu cada buelo inaugural. Tur representante importante relevante na un lansamento di otro ruta, tabata presente. Manera a bira custumber, e delegacion di InselAir tabata acompaña pa prensa, cu a cubri e evento manera tambe ta custumber.

ALGUN NOTA INTERESANTE

Puntonan cu a resalta ta e sosten incondicional di gobierno di Aruba pa e aerolinea. Ademas, e comentario di e CEO di e aeropuerto di Aruba, boso por tin buelo tambe despues di merdia, refiriendo cu ta birando custumber cu ta bebe champaña prome cu 10’or di mainta caba. Na Republica Dominicana, tabata obvio cu e buelo tabata ‘hopi solicita’ y tambe un entusiasmo pa posibel expansion caba di e cantidad di buelo. Loke tambe a resalta, ta cu e inicio di e buelo no tabata nada facil (lesa otro articulo cu CEO di InselAir Aruba Frederick Nuboer.