- KPA: Persona deteni cu pistool y sentencia hopi lihe
- KLM tin e tripulacion di vuelo mas caro na mundo
- Gobierno di Hulanda ta bai apela contra desicion di clima pa Bonaire
- Foro Siguridad sin frontera: Colaboracion ta decisivo contra menasa moderno
- Grand slam historico di Xander Bogaerts di Aruba ta duna Padres victoria
AZV: No tur, pero 'aproximadamente' 129 remedi a bay bek riba lista positivo
ORANJESTAD – No tur remedi, sino un cantidad di 129 remedi ta bek riba e lista positivo. Y e ta pa tur asegurado, envez di un grupo selecta. AZV diaranson a purba di clarifica e confusion cu tin awor cu a adapta e lista bek, esta 1 siman pasa. Recientemente (1 di mei 2025) Gobierno di Aruba y Organo Ehecutivo AZV a anuncia un adaptacion den e lista di remedi di AZV. Manera ya tabata conoci, e pandemia di Covid-19 tabata tin su efecto riba nos economia cu concecuencia cu AZV mester a baha e gasto cu 60 miyon. Esaki a haci cu AZV mester a reduci e cantidad di remedi cu tabata wordo cubri.
Un di e cambionan mas principal tabata tin di haber directamente cu e adaptacion di Ley AZV tocante remedi, proclama 1 di juli 2022 y cu a bay na vigor 1 di oktober 2022. E cambio principal tabata cu e asegurado ya no tabata tin derecho mas riba e remedinan conoci como “OTC” (Over The Counter), esta e categoria di remedi pa cuido propio y cu por wordo cumpra sin receta di dokter.
Adicionalmente tabata tin un otro categoria di remedi cu a sali for di e lista positivo. Na e momento aki AZV a haci un excepcion cu ta cubri nan solamente ora tin cierto indicacion medico of pa uzo pa malesa cronico. Awor casi 5 aña despues di e pandemia Covid-19 y cu un bon recuperacion di e economia, tin tur oportunidad pa AZV duna bek na su aseguradonan.
KICO E CAMBIO DESDE 1 DI MEI 2025 TA NIFICA?
E adaptacion di e lista di remedi ta nifica cu aproximadamente 129 remedi a bay bek riba e lista. Contrario na e situacion anterior, unda cu AZV tabata paga esakinan solamente pa un grupo di asegurado, esta e grupo di asegurado cu tin malesa cronico, awor ta disponibel bek pa tur asegurado di AZV. Esey ta nifica cu hasta pa un malesa di duracion corto, bo lo haya bo remedi.
Pa duna algun ehempel di loke AZV ta cubri bek:
Remedi contra alergia; e genericonan di Claritine, Zyrtec, Allegra of
Remedi contra dolor di stoma; Losec, Pantoprazole, Famotidine, etc.
Remedi contra dolor manera Cataflam, Voltaren, Celebrex, Ibuprofen, etc.
Remedi contra secamento di wowo, natural tears, etc.
Remedi contra diarea y sacamento; Motilium, Primperan, Imodium, Bisacodyl,
Remedi pa yuda sistema digestivo; Metamucil, Duphalac, etc.
Remedi contra eczema of “rash” manera Nizoral of Dermovate.
Pues…e asegurado por bay trankil botica ya cu AZV ta cubri e remedinan aki sin ningun tipo di restriccion.
TENE CUENTA CU “OTC” (REMEDI PA CUIDO PROPIO)
Tur asegurado mester tene cuenta cu e categoria di remedi “OTC” (Over The Counter), esta remedinan pa cuido propio no ta cay den e cobertura di AZV. Nan ta remedi pa cual bo no tin mester di receta y no tin cu cu bay niun dokter di cas (ni specialista!) pa haya nan. Bo ta cumpra e remedinan aki directamente na botica.
MAS INFORMACION
Pa lesa e lista di remedi, bay riba www.azv.aw (homepage) y di biaha lo bo wak e seccion “Lista di remedi” . Primi riba esaki y e lista completo lo habri.
Caso di Warawara venena ta activa alarma: Aruba mester pone control riba toxiconan awor
ORANJESTAD – Un caso serio di envenenamento di fauna local a pone un biaha mas e problema di uso descontrola di toxiconan riba agenda na Aruba. Un Warawara, un di e paranan mas iconico di e isla, actualmente ta lucha pa su bida despues di a wordo envenena. Veterinario Dr. Ricardo Gogorza ta trahando intensamente pa salva e animal.
FHTMS di University of Aruba ta logra mantene e re-acreditacion prestigioso di ACPHA cu exito
Proyecto 3DXVerse ta trece innovacion digital y sostenibilidad na aviacion na Aruba
ORANJESTAD - E proyecto “3DXVerse”, presenta pa Gino Schwengle den colaboracion cu Union Europeo, ta enfoca riba modernisacion di experiencia di biahe na Aruba. E iniciativa, cu forma parti di un Horizon Project internacional, ta introduci un sistema di “pasport digital” cu ta permiti pasaheronan comparti nan dato cu inmigracion prome di yega, facilitando un proseso mas rapido na frontera mediante tecnologia di reconocimento facial.
WEB a haci donacion di conexion di awa na Kapel di Alto Vista
ORANJESTAD – Priminti ta mas cu debe. Esey a conta na momento cu WEB Aruba a pone oficialmente den operacion un conexion di awa na Kapel di Alto Vista. Na december 2025 durante e ceremonia pa pone e tanki nobo di Alto Vista den operacion, e compania di awa y energia a haci e promesa pa instala un conexion di awa como donacion na comunidad, principalmente esun di Noord. Exactamente 4 luna despues, durante un encuentro ameno cu representantenan di Kapel, parokia Santa Anna y teamnan di WEB su Sector di Distribucion & Servicio na Cliente, CEO Alfredo Koolman hunto cu Pastoor Santiago di Parokia Santa Anna a habri e cranchi di awa pa prome biaha na Kapel di Alto Vista. Pa por a instala e conexion di awa, empleadonan di WEB a haci trabou di excavacion y a instala e red di tuberia pa a yega te na e kapel. Ta trata aki di un inversion di casi 40 mil florin.
Analisis: Cacho ta birando un riesgo real: Aruba ta warda pa un tragedia pa actua?
Analisis: Subida historico di combustibel ta sacudi economia di Aruba
Follow NoticiaCla
