Trump ta bisa cu e lo habri Alcatraz bek pa e presonan ‘mas despiada y violento’

WASHINGTON - Presidente  mericano Trump ta bisa cu e la ordena instancianan federal pa reconstrui y habri Alcatraz — e prizon di seguridad maximo notorio cu a cera mas cu 60 aña pasa.

“Mi ta dirigí e Oficina di Prizon, hunto cu e Departamento di Husticia, FBI, y Seguridad Nacional, pa habri un ALCATRAZ substancialmente engrandece y reconstrui bek, pa acapara e delincuentenan mas despiada y violento di Merca,” Trump a bisa den un post riba Truth Social.

E historico ex-Penitensiario di Merca Alcatraz, cu a habri na 1934, ta ampliamente conci komo The Rock. Su edificionan ta domina e paisahe di baranca di Isla di Alcatraz, cu ta situa mas o menos 1.5 miya noord di e famoso Fisherman’s Wharf di San Francisco.

Alcatraz un tempu tabata aloha criminalnan peligroso manera e infamoso mafioso Al Capone, bou di un strategia di encarcelacion cu tabata busca pa concentra prezunan dificil den un facilidad, separa nan for di prezunan menos peligroso den e sistema di prizon.