Conmocion cu minister a retira hunta di comisario di aeropuerto completo

ORANJESTAD – Siman pasa a cera cu e conmocion necesario, ora cu e notificacion di gobierno a drenta cu ta ‘cambia’ (retira:red) )henter e hunta di comisario actual di aeropuerto Reina Beatrix. Mientras cu e ta un practica cu ta sosode frecuente ora cu tin cambio di gobierno, ta parce e biaha aki cu e forma con esaki a sosode, ta onsidera esaki algo contra ‘good governance’, osea bon gobernacion. Sigur e forma con esaki a sosode. Noticiacla a compronde cu algun di e miembronan no a aprecia e forma cu esaki a sosod, esta con nan a haya e notificacion cu a 'retira' nan. Mientrastanto e minister responsabel pa aeropuerto, Wendrick Cicilia a confirma pa e portal aki (noticiacla) cu a sali un invitacion pa e miembronan actual (y management team interino:red) pa un reunion general (Algemene Vergadering van Aandeelhouders) pa trata e tema. 

E REUNION

E reunion (AVA) ta yama pa diaranson mainta awor 9’or na Cocolishi, unda cu e intencion ta pa akinan, retira e cuater miembronan di hunta di comisario, y nombra e cuater miembronan nobo. E intencion segun e invitacion ta ‘ pa otorga e miembronan actual un retiro honorabel, cu danki pa nan servicionan'. Despues ta presenta e cuater miembronan nobo. Un di e miembronan nobo, ta e actual chief of staff di e minister en cuestion mes, mientras cu un di nan ta miembro di directiva di ATA, y un otro tabata un miembro di e hunta di Triple A NV den pasado caba, y uno ta un mericano cu experiencia den aviacion, cu den pasado tambe tabata parti di e hunta. No ta conoci si e ultimo aki, lo ta e representante pa Royal Schiphol Group, mirando cu nan a pidi pa un asiento den e hunta nobo aki tambe y a forma parti di e MoU reciente firma. 

E PROBLEMA

Noticiacla a compronde cu e problema ta cu tin discordia pa e forma cu e reunion a wordo yama. E miembronan actual a ricibi un email ‘apenas’ diabierna atardi laat, cu e invitacion pa ta presente, ni un siman despues, esta diaranson mainta awor, unda cu nan ta haya nan retiro. Publicamente mientrastanto, e minister anterior responsabel pa aeropuerto, actual parlamentario Dangui Oduber, mester a protesta e acto aki, y ta tilda e minister actual di hunga politica, y ta nombra hende nobo, pa por haya aprobacion pa Royal Schiphol Group por drenta bek, ya cu e hunta anterior, no tabata di acuerdo. Cu e cambio aki, e ta habri caminda pa e cambio awor tuma lugar. Di otro banda, mester bisa cu ta basta ‘normal’, cu un gobierno ta actua asina, unda cu ta prefera pone su hendenan di ‘confiansa’ na e posicionnan aki. Oduber a bisa riba esaki, cu den su caso, no a ‘retira’ e hunta ora cu e la subi, sino a duna nan opcion pa dicidi kico nan kier a haci. Segun e ex minister, e hunta e tempo ey a dicidi di retira nan mes.