Na Corsou, dama ta perde bida den trafico

WILLEMSTAD  - Corsou ta bolbe lamentá un morto den tráfiko. Tabata den oranan di anochi lat ku un aksidente grave a tuma lugá riba kaminda di Westpunt na altura di Daniel. Sigun informashon ku a yega na redakshon di Extra, ta  indiká ku un vehíkulo marka Kia Sportage koló pretu tabata direkshon pariba i pa motibunan deskonosí e shofùr a baha for di kaminda ku su vehíkulo na banda drechi di kaminda i a bai dal kontra di un palu.

E dama pasahero a pèrdè su bida na e sitio miéntras ku e hòmber shofùr a keda transportá ku urgensia pa CMC. A pidi presensia di dòkter di polis na e sitio pa konstatá morto di e dama.

Polisnan a keda ku e área será pa asina hasi investigashon pa saka afó kousá di e aksidente. NOTA: Texto ta scirbi den papiamento fonetico di Corsou.