- AWSS: Medio mei por sinti e efecto nan positivo di e cambio na Bubali su planta
- Caso di Mike de Meza contra DIMP ta fin di mei awor!
- Na Corsou, Gobernador a huramenta Parlamento nobo
- Premier Schoof impresiona cu empresario Kock na Aruba
- Eman: Autosuficiencia y resiliencia Arubano a sobresali durante bishita di premier Dick Schoof
Delegacion di Moody's na Aruba pa evalua rating financiero
ORANJESTAD – Un delegacion di e agencia di ratings Mericano Moody's na Aruba pa evalua rating financiero di e isla. Agencianan di rating ta instancianan independiente cu ta analisa e capacidad di un pais (of empresa) pa paga su obligacionnan financiero. Nan ta evalua riesgo financiero, stabilidad economico y maneho fiscal.
Un rating ta directamente afecta e disponibilidad pa financiamento, pero tambe e ta determina e porcentahe di e fiansa. Mas abou e rating, ta nifica mas riesgo perscibi, cual ta nifica e tasa di interes (%) lo ta mas halto (pa acomoda pa e riesgo adicional), y pues un gasto di interes mas halto pa pais. Rating tambe ta importante pa inversionistanan cu ta busca pa inverti den sector priva. P'esey pa Aruba e bishita aki ta fundamental.
KICO TA ARUBA SU RATING ACTUAL?
Actualmente, Aruba tin un 'investment grade rating' di Moody's: Baa3 cu un outlook stabiel. Ta spera actualisacion di rating den e proximo luna.
E hecho cu Aruba ta mantene investment grade ta refleha un nivel di confianza den maneho fiscal y stabilidad economico di nos pais. Un bon relacion den Reino tambe ta un factor importante pa e agencianan di rating y ta premira di ta un topico principal den e reunionnan binidero.
OBJECTIVO DI E REUNIONNAN
Representantenan di Moody’s lo ta na Aruba pa dos dia y banda cu ta reuni cu Minister Wever tambe cu reuni cu diferente instancia manera Departamento di Finansa, Centrale Bank, CAFT, APFA, ABA, VNO y ATA.
Minister Wever a enfatiza importancia di dialogo continuo entre e stakeholder y cu e agencianan di rating. E mandatario ta gradici e representantenan di Moody’s pa nan bishita como tambe tur stakeholders pa a traha tempo pa asina duna nan input na un tema asina importante manera nos finansa publico.
Eman: Autosuficiencia y resiliencia Arubano a sobresali durante bishita di premier Dick Schoof
ORANJESTAD - Diasabra atardi, Prome Minister di Aruba, mr. Mike Eman, a ricibi cu honor su homologo Hulandes, Prome Minister Dick Schoof, na su oficina na Cocolishi pa un reunion formal y strategico. Durante e reunion cu henter conseho di minister a dialoga riba e lasonan politico y di cooperacion entre Aruba y Hulanda.
Bishita di Schoof na hospital: Pashentnan indocumenta ta peso enorme riba fondo di HOH
ORANJESTAD - Como parti di e bishita di trabao di Prome Minister di Hulanda Dick Schoof diadomingo mainta, Minister di Salud Publico Drs. Mervin Wyatt-Ras, a compaña Premier Schoof den un bishita na Hospital Horacio Oduber (HOH). Jacco Vroegop, Director di HOH, hunto cu miembronan di directiva di hospital, a ricibi Premier Schoof y Minister Wyatt-Ras y a invita e delegacion pa un reunion cu demas miembronan di directiva. Durante di e reunion, a intercambia punto di bista riba e futuro di HOH, e importancia di inverti den capacitacion continuo di personal medico y di enfermeria, y e nesesidad pa reserva puestonan pa nos studiantenan local por specialisa na Hulanda pa por garantisa cuido medico di calidad y moderno pa nos comunidad y bishitantenan. Ademas a intercambia pensamento riba un cooperacion strategico cu Hulanda pa locual ta trata e compra di remedi hunto, pa por haya esaki na prijs mas economico.
No ta converti e debe di Covid, den un fondo di inversion
ORANJESTAD – Hulanda no ta pro pa converti e debe di Covid, den un fondo di inversion. Un fondo di inversion ta bon pa Aruba, pero no cu placa di Hulanda. Esaki tabata e comentario di e prome minister hulandes Dick Schoof durante su prome encuentro cu prensa diasabra na Aruba. Cu esaki, e ta confirma e pensamento di secretario di estad Zsolt Szabó, cu a bisa Noticiacla recientemente mescos tambe. Fondo di inversion ta un bon idea, pero cu fondo local. No manera cu e prome minister di Aruba mr Mike Eman a sugeri, y propaga durante e campaña electoral, esta cu mester converti e debe di Covid, den un fondo di inversion. Schoof a para ariba cu Aruba tin cu cumpli cu e palabracion haci, esta cu tin cu paga e debe bek. Pues no por cambia esaki den un fondo di inversion.
Bista fotografico di e prome dia di bishita di premier hulandes Schoof
ORANJESTAD - Diasabra e prome minister di Hulanda Dick Schoof durante su prome bishita na Aruba, e mandatario tabata basta ocupa. E la bishita Fort Zoutman, Cocolishi y Gobernador di Aruba. Un bista fotografico di su prome dia di bishita.
Prome Minister di Hulanda Dick Schoof ta na Aruba
ORANJESTAD - Prome Minister hulandes Dick Schoof a yega Aruba diasabra merdia pa un bishita di 22 ora. Prome Minister mr. Mike Eman a ricibi e mandatariona Aeropuerto Reina Beatrix acompaña pa altocomisario di Polis, drs. Ramon Arnhem y director interino di VNO, Vincent Storimans.
Prome minister di Hulanda Dick Schoof ta bishita Aruba e weekend aki
ORANJESTAD - Promé minister hulandes Dick Schoof ta bishita Aruba e fin di siman aki, pa ta exacto 22 ora, cuminsando diasabra 10 di mei. E bishita di cera conoci ta caracterisa pa Reino den un mundo cu ta cambiando. Banda di encuentronan cu gobernador-, prome minister y miembronan di Staten di Aruba, e bishita ta encera un programa diverso. Riba 10 di mei e ta biahe pa Aruba. Aki e ta bishita un empresa local y e ta bishita Hospital Horacio Oduber y Korrektie Instituut Aruba (KIA). E promé minister ta sali 11 di mei pa Corsou, unda e ta haña un rekorido na e base di marina.
Follow NoticiaCla
