Varios tanker ta den awa territorial di Aruba wardando crudo di Venezuela prome cu deadline vence

CARACAS – Por lo menos 5 tankero di petrolio cu e compania Chevron a huur, ta den awanan territorial di Aruba, wardando pa carga crudo di Venezuela, y bandona e pais prome cu e fecha limite di 27 di mei proximo. E tankeronan ta parti di un grupo mas grandi di tanker cu ta liña cerca di un haf bieu di zeta den e region occidental di Venezuela pa carga carga di crudo y sali for di e pais Suramerikano.  Merca a stipula e deadline menciona pa   termina operacionnan iy exportascionnan, segun documentonan y datonan obteni pa e agencia Reuters.

Venezuela, cu ta sanciona pa Merca, ta cla pa inaugura e luna aki exportacion di un grado nobo di crudo, Blend 22, pa atrae clientenan hasta despues di e vencemento di licensia cu Washington a otorga na companianan na Merca, India y Europa pa hiba exportacion di zeta Venezolano. Debí cu e grado ta un mescla di crudo producí pa e compania estatal di zeta PDVSA na su terenonan di West, exportacion mester wordo envia for di La Salina, un terminal enveheci y deteriora na e costa di Lago di Maracaibo caminda tankeronan hopi biaha ta haña nan casca mancha ora nan ta mara debi na lekmento di zeta for di tuberianan submarino.

Barconan tampoco no por carga mas cu 350.000 bari di crudo den e area ey pa motibo di e falta di dragamento di Lago Maracaibo.