- AWSS: Medio mei por sinti e efecto nan positivo di e cambio na Bubali su planta
- Caso di Mike de Meza contra DIMP ta fin di mei awor!
- Na Corsou, Gobernador a huramenta Parlamento nobo
- Premier Schoof impresiona cu empresario Kock na Aruba
- Eman: Autosuficiencia y resiliencia Arubano a sobresali durante bishita di premier Dick Schoof
Conclave pa eligi Papa nobo ta cuminsa dia 7 di mei
VATICANO - Vaticano a dicidi cu e conclave pa eligi un Papa nobo lo cuminza dia 7 di mei proximo E fecha a worde fiha awe durante un reunion cera di cardenalnan na Vaticano.
Solamente cardenalnan cu ainda no tabatin 80 anja riba e dia di morto di Francis tin mag di vota den e conclave. Aktualmente tin 135 di nan, entre nan e kardinal hulandes Willem Jacobus Eijk.
Ainda no ta cla si tur e cardenalnan lo participa den e conclave. Por ehempel, algun no por ta presente na Roma debi na problemanan di salud. E cardinalnan ta bini di tur skina di mundo.
E dia prome cu inicio di e conclave, tur e cardinalnan ta muda pa Casa Santa Marta, e cas di huesped di Vaticano. For di e punto ei nan lo wordo ‘cera’ for di mundu pa nan escoho no por wordo influencia.
Despues di un votacion inicial riba e prome anochi di e conclave, e cardinalnan lo deposita nan voto dos biaha tur mainta y atardi den e famoso Kapel Sistina. Pa ser eligi como Papa, dos tercera parti di e votonan ta necesario.
E ultimo dos biahanan a tuma dos dia te ora cu tabatin un papa nobo.
KAPEL SISTINA
Tin dos stoof den e Kapel Sistina. Un ta pa kima e stembiljetnan despues di cada votacion, e otro ta pa agrega un tinte preto of blanco. Ora cu tin huma preto, no a eligi un papa nobo, pero ora cu tin huma blanco, e hendenan na Plaza di San Pedro sa cu tin un sucesor di Francisco. Den oranan di mainta e ora di huma ta alrededor di merdia y den oranan di atardi alrededor di 7’or
Papa Francisco a fayece dialuna ultimo na edad di 88. Diasabra ultimo tabata e misa di entiero. E ta dera den e Basilica di Santa Maria Maggiore na Roma.
Merca y China ta di acuerdo riba un pausa den guera comercial
WASHINGTON - Merca y China ta poniendo temporalmente tarifanan di importacion adiccional riba un pausa. E paisnan a bay di acuerdo cu un pausa di 90 dia, asina a wordo anuncia awe mainta den un comunicado conhunto. Den dje, Merca y China ta bisa cu nan ta balora nan relascion economico. Y cu nan ta kere cu nan por yega na un solucion despues di negociacionnan largo. Merca ta programa pa reduci e tarifa di 145 porciento pa 30 porciento entrante diaranson. China, na su turno, ta reduciendo e tarifanan di 125 porciento pa 10 porciento
Papa Leon XIV a boga pa liberacion di periodistanan: ‘Reta e consenshi di nacionnan’
CIUDAD VATICANO – Papa Leon XIV a urgi liberacion di periodistanan encarcela pa haci nan trabou, den su prome conferencia di prensa. “E sufrimento di e periodistanan encarcela aki ta desafia e consenshi di paisnan y e comunidad internacional,” el a bisa na Ciudad Vaticano dialuna mainta. Leon a subraya e importancia di libertad di expresion y un prensa liber. “Solamente hende informa por haci escohonan liber,” e lider nobo di Iglesia Catolico a bisa un sala yen di periodista. Tambe el a pidi e medionan di comunicacion pa no alimenta polarisacion.
Inauguracion di Papa Leo dia 18 di mei: Orario druk pa lider nobo di iglesia
CIUDAD DI VATICANO - E inauguracion di Papa Leo lo tuma luga dia 18 di mei. E misa cu ta marca e comienso di su pontificado lo cuminsa despues pa 10 a.m. na Plaza di San Pedro, Vaticano a bisa. Lidernan mundial y lidernan religioso ta wordo invita pa e inauguracion. Esun di Papa Francisco na 2013 a atraé un kalkulashon di 200.000 hende.
Cardinal mericano Robert Prevost a bira Papa Leo XIV
CUIDAD VATICANO – Cardinal Robert Prevost, a bira e Papa nobo, usando e nomber Leo XIV. Tabata na 2023 cu e la bira cardinal, nombra pa Papa Francisco, cu a nombre como Prefecto di e Dikasterio pa Obispunan, un rol prominente cu a eleva su profil.
Habemus Papam: Cardinalnan a scohe e Papa nobo
CIUDAD VATICANO – Algo despues di 6’or di atardi ora di Vaticano, huma blanco a sali for di e chiminea na Ciudad Vaticano, anunciando asina cu e religion catolico tin un Papa nobo!. Despues di 4 session di votamento, e 133 cardinalnan a logra scohe un Papa nobo. No ta conoci cuanto exacto a vota pa e Papa nobo. Awor e proceso ta cu e Papa lo keda presenta oficialmente y tambe e nomber di e Papa nobo. Noticia den proceso.
India ta lansa atakenan riba Pakistan, ‘decenas a muri den enfrentamentonan na frontera’
NEW DELHI - India a bolbe realisa atakenan cu drone riba e pais bisiña Pakistan. Segun ehercito Pakistani, por lo menos cuater solda a resulta herida. Varios drone a wordo tira abou. Mientrastanto, Pakistan ta afirma cu decenas di soldat indio a muri den bringamento den e area di frontera. India awe a acusa Pakistan di atakenan anochi usando drone i misil. Nan a bisa cu esakinan ta dirigi riba metanan den noord y west di India. Autoridadnan indio ta bisa cu e atake a wordo repelí pa defensanan aereo indio.
Follow NoticiaCla
