Na Corsou, a duna Condecoracion Real na 12 ciudadano

WILLEMSTAD - Gobernadó di Kòrsou, su ekselensia sra. Lucille George-Wout na nòmber di su mahestat rei Willem Alexander Awe mainta a entregá kondekorashon real na 13 persona; 12 siudadano di Kòrsou i un di Hulanda. Durante di e okashon “lintjesregen” den patio di palasio na Fort Amsterdam e personanan a haña entrega di e kondekorashonnan pa nan trabounan hasí na bienestar di komunidat di Kòrsou.

Ta trata di trabounan indispensabel pa komunidat di Kòrsou i ku nan ko siudadanonan no a laga pasa bai sin mas.

E siguiente personanan a risibí nan kondekorashon real:

Officier in de Orde van Oranje-Nassau

Sr. dr. M.D. Winedt, pa mérito den e área di entre otro bida religioso, herensia kultural i igualdat.

Ridder in de Orde van Oranje-Nassau

Sra. H.M.L.A. Maduro-Molhuysen, pa mérito den e área di historia kultural;

Sra. D. Tyrol-Carolus, pa mérito den e área di entre otro kombatimentu di pobresa i kuido di monumentonan.

Lid in de Orde van Oranje-Nassau

Sr. G.A. Adriana, pa mérito den e área di bienestar di hubentut i bienestar di pashèntnan;

Sr. O.P.M. Betrian, pa mérito den e área di bida religioso, bienestar i koheshon sosial;

Sr. L.A.P. Casper, pa mérito den e área di músiko i bida religioso;

Sr. R.L. James, pa mérito den e área di bida religioso, kombatimentu di pobresa i enseñansa;

Sr. dr. H. Landman, pa mérito den e área di ginekologia;

Sr. A.M. Legrand, pa mérito den e área di deporte di kana i maneho di naturalesa;

Sr. E.A. Martis, pa mérito den e área bida religioso, bienestar di hubentut i músiko;

Sr. I.A. Meijer, pa mérito den e área di enseñansa, futbòl i masoneria;

Sr. A.J.S. Virginie, pa mérito den e área di media, kuido i bienestar.

E Gobernador a dekorá Señora S.M.R. Lückman-Meijer ku e distinshon real di Ridder den Orde di Oranje-Nassau, pa su mérito den e área di kultura i edukashon, tambe den Karibe Hulandes. Riba petishon di e Kapittel, e entrega di e distinshon real na Señora Lückman-Meijer — ku ta residente di siudat Utrecht — a tuma lugá na Kòrsou pa motibu di su estadia temporario aki. NOTA: Texto ta scirbi den papiamento fonetico di Corsou.