SKOA: Analisando sentencia 'schoolgeld' pa apela cu urgencia

ORANJESTAD – Stichting Katholiek Onderwijs Aruba (SKOA) ta analisando e sentencia contra nan di siman pasa, pa asina entama un apelacion cu urgencia pa trece claridad den e asunto aki como tambe e posibilidad di hasi peticion pa aumento di e subsidio cu SKOA ta ricibi fordi gobierno. Mientrastanto SKOA lo cumpli cu e sentencia pa cu e mayornan cu a demanda SKOA y ta urgi emayornan di forma voluntario pa paga e suma di school geld y e airco geld manera esaki tabata aplicabel aña escolar pasa pa en todo caso SKOA por cumpli cu e pago di aseguro y pa nan por haya materialnan di scol pa cuminsa e aña escolar aki. Tambe SKOA ta urgi e mayornan pa di forma voluntario cumpli cu e pago di school geld pa locual ta e aumento. E meta pa cu e sumanan aki ta pa un mihor enseñansa pa nan yiunan.

GOBIERNO MESTER CUMPLI

Gobierno ta esun cu mester cumpli cu Stichting Katholiek Onderwijs Aruba (SKOA). Asina e fundacion cu ta maneha un cantidad di scolnan catolico a reacciona riba e sentencia den nan contra di siman pasa. Pa SKOA, e ta un sentencia devastador, ‘mirando e desigualdad cu lo wordo crea entre mayornan cu a paga school geld y asina cumpli cu SKOA, versus e mayornan cu no kier paga’. Ademas segun SKOA, no mester perde di bista e consecuencianan cu e sentencia aki por tin paenseñansa en general na Aruba (incluyendo scolnan publico) y pa e fondonan disponible pa enseñansa die yiunan di e mayornan mes.

ARTICULO MINISTER

Pa locual ta trata e diferente articulonan cu ta cita Minister di Enseñansa encuanto un manehofinanciero cu lo no ta transparente y e hecho cu SKOA lo no ta presenta su cuentanan anual conformepalabracionnan haci, SKOA a enfatisa cu e ponencianan aki no ta corecto. E ta mustra cu durante e periodo cu SKOAa delibera cu minister di enseñansa pa locual ta trata aumento di e school geld, minister a apuntadiferente persona cu a bai na oficina di SKOA pa revisa e bukinan y cifranan financiero di SKOA.

Banda di esaki, mientras tanto SKOA a entrega su cuentanan anual te cu aña 2012 pero ainda, a pesar dipalabracionnan hasi, no a recibi e 10% di subsidio cu a wordu reteni cu ta concerni e añanan aki. Esaki,

entre otro, tambe a conduci na deficit nan di SKOA. E retraso y e motibonan di e retraso den entrega die cuentanan financiero ta conoci cerca minister y a resulta den un extension di e termino pa entrega

esakinan segun e ultimo palabracion cu Minister.

CUENTA ANNUAL 2012

SKOA a entrega e cuenta anual di 2012 awe mainta,mientras cu esun di 2013 ta planea pa wordo entrega rond di mita di juli 2015. Informacion cu SKOA nolo kier mustra su cuentanan anual of ta hiba un maneho cu no ta transparente, segun e fundacion, ta totalmente incorecto, y no ta cuadra cu esfuerzonan di SKOA pa cumpli cu e palabracionnan cu Minister di Enseñansa.

AUMENTO SUBSIDIO

Ademas SKOA a bisa cu te na e momentonan aki SKOA no a ricibi ningun aumento den subsidiofor di gobierno mientras gastonan calcula pa cada mucha ta sigui subi anualmente. Es mas, e aña akiatrobe SKOA a haña 10% menos di subsidio compara cu normal. Tambe gobierno a keda di haci

pagonan riba e cuentanan annual cu Gobierno a ricibi te cu aña 2010 y te na e momento aki SKOA no aricibi e sumanan aki tampoco, siendo cu e pagonan atrasa aki ta basa riba gastonan cu a keda haci pa cuenseñansa.

LAMENTA INFORMACION INCORECTO

SKOA ta finalisa pa bisa cu SKOA ta lamenta cu informacion incorecto ta wordo circula y pa medio diesaki SKOA kier a salvaguardia cu informacion corecto ta keda suministra via medionan di comunicacion.

SKOA ta spera cu gobierno cumpli cu palabracionnan haci den mei 2015 cu ta ensera entre otro cugobierno lo haci e pagonan cu gobierno debe a base di e cuentanan anual cu a keda entrega caba desde

añanan 2000 te cu 2010.

SUBSIDIO PA WERKSTERNAN

Tambe gobierno a keda di subsidia tur e werksternan den scolnan di SKOA mescos cu nan ta haci pascolnan publico y di corigi e diferencia di subsidio den e aña 2015, mescos cu a keda di haci pa ediferencia den aña 2014. Esaki tampoco no a tuma lugar ainda pa locual ta e subsidio den e aña 2015