Na Hulanda, Nicolien van Vroonhoven ta reemplaza Pieter Omtzigt pa NSC

Posted on 04/19/2025 4:43 pm AST | Updated on 04/19/2025 4:44 pm AST

DEN HAAG - E salida di lider di NSC Pieter Omtzigt ta hopi dificil pa su di dos Nicolien van Vroonhoven. E ta e lider di grupo parlamentario di e partido cu efecto inmediato. “E trabou a abrum’é. El a bira muchu p’e. Despues el a dicidi di skohe pa su mes. Tur hende ke pa e tin esei.”Van Vroonhoven a mir’é bini pa algun tempu caba, pero solamente a tende di e desicion di Omtzigt diasabra mainta. “E tabata afó pa un ratu na september y a regresa muchu trempan na november. Pieter a bai p’e atrobe. El a sambuyá completamente.”

Van Vroonhoven tabata lider suplente di partido caba y a reemplasa Omtzigt durante e periodonan cu e tabata na cas pa motibo di su burnout. Omtzigt a retiratemporalmente for di politica di Den Haag varios biaha. Diasabra el a anuncia cu e lo ta bandonando politica nacional pa semper despues di 21 aña. Su recuperacion no ta logra den e drukte di Den Haag.

E lider di fraccion nobo ta compronde e desicion di Omzigt. “Pero mi ta bai sinti su falta teribelmente. Awor mi mester hasié mi mes. Semper mi por a sconde tras di e sombra di Pieter,” Van Vroonhoven ta bisa. “Awor e sombra ei a bai.” Van Vroonhoven tabata sa cu Omtzigt tabata pensa di bandona politica. “Pero no cu e lo a stop pa semper.”

Van der Burg: No ta sostene idea di Eman pa cambia debe di Covid den fondo di inversion
DEN HAAG / ORANJESTAD – Hulanda no ta dispuesto pa sostene e idea di gabinete AVP-FUTURO (lesa: prome minister Mike Eman:red) pa converti e debe actual di COVID den un fondo di inversion. E peticion ey a bin di actual prome minister Mike Eman for di momento cu aña pasa e la bira prome minister atrobe. E prome intento a fracasa ora cu e la puntra e secretario di estado e tempo ey, Eddie van Marum, cu tabata secretario di estado pa Asuntonan di Reino e tempo ey. Awor cu gobierno a cambia, e pensamento pa esaki si a keda mescos. No!.
Mas Hulanda
Lesa Mas
Vd Burg: No ta dispuesto pa 'cambia' e version actual di HOFA
DEN HAAG / ORANJESTAD – Signatura di Gobierno di Hulanda por a cambia, pero nan pensamento pa cu Aruba su asuntonan no. Esey por a compronde diabierna merdia durante un conferencia di prensa entre secretario di estado nobo di Hulanda pa Asuntonan di Reino Eric van der Burg cu periodistanan di Reino. Riba e tema di HOFA y conversion di debe di covid den fondo di inversion, Aruba a haya cada biaha un no, como contesta. No pa cambio di contenido di HOFA, y no pa converti e debe di Covid den un fondo di inversion.
Mas Hulanda
Lesa Mas
Minister Schwengle a atende su prome reunion di Conseho di Minister di Reino
DEN HAAG – Minister Schwengle a atende su prome reunion di Conseho di Minister di Reino (RMR). Na final di e RMR tabata tin un momento cu e tres Ministernan Plenipotenciario a pose hunto riba potret. Na e ocacion aki mescos cu tabata e caso di Aruba, pa e Minister Plenipotenciario di Curaçao Errold Bishop tambe tabata su prome reunion di RMR.
Mas Hulanda
Lesa Mas
RMR: Ley di Reino (HOFA) ta bay Raad van State di Reino pa conseho
DEN HAAG - E proposicion pa un Ley di consenso di Reino finansa publico duradero Aruba (HOFA) ta bay Raad van State di Reino pa conseho. Conseho di Minister di Reino a bay di acuerdo cu esey awe. Cu esey, despues di finalisa e consulta, a dal atrobe un siguiente paso pa realisa e proposicion di ley aki di Aruba y Hulanda conhunto.
Mas Hulanda
Lesa Mas
Un dia despues di a huramenta na Aruba, minister Mildred Schwengle a yega Hulanda
DEN HAAG – Mildred (Milly) Schwengle a yega awe mainta Hulanda, despues cu ayera ela keda huramenta door di Gobernador di Aruba Alfonso Boekhoudt, como Minister Plenipotenciario di Aruba na Hulanda. Minister Schwengle a wordi ricibi na Schiphol door di hefe di e departamento huridico di Gabinete di Aruba mr. Shandra John.
Mas Hulanda
Lesa Mas
Na Hulanda, autornan ta exigi cu Meta stop cu uso di nan trabou pa entrená AI
HILVERSUM - Sindicato di periodistanan NVJ, Auteursbond y sindicato di scibinan Lira na Hulanda ta exigi paMeta stop cu uso di texto scibi pa periodistanan y traductornan Hulandes pa entrena modelonan di inteligencia artificial (AI). Segun e sindicatonan, e compañia matriz di Facebook y Instagram ta usa trabounan cu tin derecho di autor pa entrena e modelo di lenga di Meta, Llama, sin paga e autornan pa esaki. Den un carta di somacion manda awe, e sindicatonan ta exigi cu e compañia di Mark Zuckerberg stop cu uso di e datasetnan ilegal. Tambe, segun nan, Meta mester stop cu ofrecemento di modelonan AI cu a wordo entrena cu e tipo di material aki. Si Meta no duna seguimiento na e carta, lo sigui un proceso legal, asina ta bisa presidente di Nederlandse Vereniging voor Journalisten, Thomas Bruning.
Mas Hulanda
Lesa Mas