UTV/ATV y busnan no por drenta ni parkeer dilanti di Kapel di Alto Vista mas!

ORANJESTAD – E vehiculonan tipo UTV/ATV y busnan no por drenta ni parkeer dilanti di  Kapel di Alto Vista mas! Asina parokia di Santa Anna a informa diaranson. Solamente auto compact lo por sigui drenta y parkeer dilanti di e Kapel.

E CAMBIO

•         UTV/ATV y busnan no lo por drenta ni parkeer dilanti di e Kapel.

•         UTV/ATV lo haya su lugar asigna di parkeo na banda patras di e Kapel.

•         Busnan lo haya su lugar asigna pa parkeo algun meter prome cu yega e Kapel.

•         Autonan regular por sigui para dilanti of patras, segun espacio disponibel.

IMPORTANCIA DI E CAMBIO:

E medidanan aki ta forma parti di un esfuerso mas grandi, pa reestablece respet y trankilidad di e Kapel di Alto Vista cu ta tereno priva di Bisdom. Asegurando cu e ta keda fungi como un lugar di paz, oracion, refleho spiritual, y preserva nos herencia cultural.

REGLA PA DRENTA E KAPEL:

Pa asegura respet y conducta apropia den e tereno sagrado, ta pidi pa sigui e siguiente regla:

•         Silencio: Ta pidi pa papia cu stem abou of mantene keto

•         Bisti modestamente: No drenta sin sapato, sin shirt/camisa, of cu paña inapropia

•         No ta permiti cuminda, bebida y ni humamento

•         Mustra bondad y respet pa tur hende.