- Delegacion di Moody's na Aruba pa evalua rating financiero
- Segun minister Wever, CAft ta duna conseho positivo riba presupuesto 2025
- Wever: Gasolin y Diesel lo baha di prijs 1 di mei
- Iberostar Beachfront Resorts a presenta su Shoco Boulevard
- Deportista Arubiana cu a keda paralisa despues di accidente na Merca, buscando fondo pa yuda cu gasto
Cicilia: Nombracion di mediado di gobierno nobo ta den proceso
ORANJESTAD – E nombracion di un mediado di gobierno nobo ta den proceso caba cerca Departamento di Recurso Humano (DRH), segun e minister encarga cu labor, mr Wendrick Cicilia. E minister a reuni dialuna cu mediado di gobierno saliente Anselmo Pontilius ora cu e la haci e declaracion aki.
TARDANSA
Ta for di comienso di aña tin problema cu e posicion aki, ya cu no por a haya un persona apto pa e funcion. Den combersacionan anterior cu e mediado actual, den un programa di Noticiacla LIVE e mediado a confirma cu debi cu no a logra haya un persona capaz, a dicidi di habri e solicitud un biaha mas. Mientrastanto a prolonga e periodo di e mediado cu algun luna mas pa asina e por ‘werk in’ e mediado nobo. Den e relato di sr Cicilia, no ta menciona nomber di ken e mediado nobo ta, pero ta mustra cu awor si lo a keda cla y cu pronto lo por tende e nomber di e mediado nobo. Segun mr Cicilia, ta di sumo importancia pa pa e tin un relacion estrecho cu e Mediado di Gobierno nobo pa continuidad di e trabao vital cu e instituto ta realisa.
Delegacion di Moody's na Aruba pa evalua rating financiero
ORANJESTAD – Un delegacion di e agencia di ratings Mericano Moody's na Aruba pa evalua rating financiero di e isla. Agencianan di rating ta instancianan independiente cu ta analisa e capacidad di un pais (of empresa) pa paga su obligacionnan financiero. Nan ta evalua riesgo financiero, stabilidad economico y maneho fiscal.
Segun minister Wever, CAft ta duna conseho positivo riba presupuesto 2025
ORANJESTAD – Minister di Finansa Geoffrey Wever, diamars atardi a informa cu CAft a duna un conseho positivo riba e presupuesto 2025, aproba unanimamente pa Parlamento riba 28 di maart 2025. E conseho di CAft ta confirma e direccion financiero prudente di Gabinete AVP-Futuro y alabes efectivo pa yuda cu poder di compra na Aruba. Mester bisa si cu ainda CAFt mes no a publica e conseho riba su portal pa por verifica esaki.
Wever: Gasolin y Diesel lo baha di prijs 1 di mei
ORANJESTAD – Ministerio di Finansa y Asunto Economico, a traves di Departamento di Asunto Economico, ta anuncia e prijs di gasolin y diesel cu lo tuma efecto entrante 1 di mei 2025.
DIMP a contesta De Meza dialuna pero abogado no ta duna comentario mas
ORANJESTAD – Departamento di impuesto (DIMP) a cumpli cu e demanda di parlamentario Mike de Meza pa manda un carta positive p’e. Kico e contenido ta, no ta conoci pa noticiacla ya cu e abogado a opta awor pa no duna mas comentario. “Sorry, awe si ta no comments” e abogado Desiree Croes a reacciona pa Noticiacla dialuna atardi despues di cu e deadline a vence. Inicialmente a informa cu lo a bay entama un caso sumario awe diamars of mas tarda diaranson. Sinembargo, algun rato despues, cos a cambia, ora cu a bira conoci cu ‘toch’ un reaccion a drenta di parti di DIMP. Pero ora cu a puntra kico ta bay sosode awor, cu e contesta a drenta, e abogado a opta pa no duna mas comentario. Pues no ta sigur kico e contesta tabata.
Gabinete AVP-FUTURO a pidi Szabó reconsidera decision pa aumenta tasa di interes
ORANJESTAD – Gabinete AVP-FUTURO a pidi secretario di estado hulandes Szabó pa reconsidera su decision pa aumenta e tasa di interes pa e pago di debe di Covid. Specificamente ta sugeri pa aplasa e tempo cu 6 siman, den cual partidonan lo mester keda cla pa entrega e concepto di e rijkswet nobo pa supervision financiero.
Raportahe fotografico di e bishita di Eerste y Tweede Kamer na Conseho di Minister di Aruba
ORANJESTAD – Manera cu Noticiacla a raporta anteriormente caba, awe mainta e delegacion di tanto Eerste como Tweede Kamer di Hulanda a bishita Conseho di Minister. Esaki ta mas di raportahe grafico di e bishita.
Follow NoticiaCla
