Comedia Bochincha na Porta di Scol ta bin Aruba

ORANJESTAD - Comedia Bochincha na Porta di Scol ta bin Aruba. Ta temporada di vakantie. Un bon momento pa studiante pero principalmente maestronan bin mira den un comedia ki tur tin den e mundo di enseñansa. E comedia di Pachi Damon ta na Aruba. Bochincha na Porta di Scol ta na Aruba danki na Insel Air, Renaissance y Tropicana Aruba Resort. Un comedia cu ta sold out tur su salanan na Curacao actualmente. Aruba lo haya tres dia so di comedia cuminsa diabierna 31 di July, diasabra 1 y diadomingo 2 di Augustus. Ticket ta 35 florin pa persona y na Valero Blvd y Valero Esso Ville tin ticket na benta. Busca bo ticket pasobra aki tur cos tin. Mayornan cu ta bringa pa nan yiu no druip aunke e tin un mal rapport. Maestro cu tin un bida priva hopi bruha. Cabesante di scol cu ta frei studiante di scol. Tata cu ta frei maestra di su yiu. Asina tin hopi cos mas cu lo pone abo gosa di un tremendo comedia manera semper Pachi Damon a traha pa e pueblo. Hasta ora di dunamento di les ta hopi cos ta pasa den klas cu lo laga ta hari di comienso te final. Bin hari baha stress den Cas di Cultura gosando di un tremendo comedia.