Turista hulandes cu a hoga, tabata na Aruba pa bishita su yiu coriendo stage

ORANJESTAD – E turista hulandes cu a fayece hoga diahuebs na altura di Arashi na aki na Aruba, ta e sra Dina Brouwer (52), di Urk, Hulanda. Su ruman muher Wille Hoekman mientrastanto ta interna den hospital den un estado critico.  Tabata awe mainta tempran cu e noticia a yega e ciudad unda cu Brouwer tabata biba na Hulanda, esta Urk. E tabata bishitando su yiu muher cu ta coriendo stage na Aruba. Y e la bin Aruba cu e otro yiu muher y su ruman cu su dos yiunan. Segun informacion, Brouwer lo a haya un problema cu curason y a hoga.   Probablemente su ruman muhé a purba di yuda, pero e tambe a haña su mes den problema serio. Den estado hopi critico, Wille mester a wordo interna den Hospital Dr. Horacio E. Oduber na Aruba. Su esposo Klaas Hoekman (dokter di cas na Staphorst) awor a biaha pa Aruba. Mientrastanto casa di e ruman cu ta hospitalisa, a biaha pa Aruba. E pueblo Urk ta den shock y e morto di e señora a bira noticia tambe na Hulanda.