Hefenan di bombero di islanan CAS y Caribe Hulandes ta cera acuerdonan nobo

WILLEMSTAD – E hefenan di bombero di Corsou, Aruba, Sint Maarten y Hulanda Caribense a cera palabracionnan nobo pa loke ta trata nan cooperacion. Representantenan di Servicio di Bombero Hulandes y Academia Nacional di Brandweer tambe tabata presente.

E cooperacion entre e cuerpo di bombero den e parti Caribense di Reino Hulandes ta existí pa dies aña caba e aña aki. Desde cuminsamento, tabatin hopi cooperacion den e areanan di entrenamento, control di calamidad, seguridad y liderazgo denter di organisacionnan di bombero.

Un topico importante durante e reunion tabata miho coordinacion di entrenamento y cualificacionnan. Esaki ta haci mas facil pa temporalmente intercambia personal entre e islanan, por ehempel pa haña experencia of sostene otro den situacionnan di emergencia. Tambe tabatin discusion tocante entrenamento conhunto pa inspectornan di prevencion di candela, den cua ta comparti conosemento y experencia entre e islanan y cu Hulanda. Portret cortesia Curacao.nu