- Wever: Automobilistanan lo ricibi nan plachinan di number den e proximo dianan
- Hall of Famer Andruw Jones a bishita minister Eman y Croes na Aruba
- Encuesta di Noticiacla riba percepcion di Aruba su carnaval
- ANALISIS: Dia di San Valentino: Amor berdadero of un trampa comercial?
- Polis a detene apenas 2 persona durante parada di luz na San Nicolas
Polis ta controlanto contra bendemento di Vape na hobennan bou di 21 aña
MACUARIMA - Bao iniciativa di Polis di Bario Santa Cruz conhuntamente Polis di departamento di Permiso (SBV) y Polis Uniforma a cuminsa cu un projecto pa cu control y concientisacion pa cu benta di vape. Mirando e situacion y problema pa cu salud bao di nos hobennan a inicia e projecto aki.
E meta principial ta pa concientisa e comerciantenan pa loke ta trata e benta di e producto Vape. Pa ley ta prohibi pa bende un hoben bao di 21 aña Vape. Tambe prohibi pa un hoben bao di 21 aña huma Vape
Como parti di prevencion tanto pa salud y concientisacion pa hobennan di e problema aki, departamento di Salud Publico (DVG) como tambe Fundacion Anti Droga Aruba (FADA) tambe a wordo invita pa forma parti di e accion di control aki.
Durante fin di siman a haci un control di e tema aki na algun comerciante den districto di Santa Cruz . Polis conhuntamente cu DVG y FADA a bay diferente establecimento y controla, informa y concientisa e comerciante kico ta e consecuencia pa bende hoben bao di 21 aña Vape.
Cada departamento a tuma e oportunidad pa splica y avisa e comerciante loke ta e parti di boet como tambe a infatisa e pakico no ta permiti bende na menor como tambe hoben bao di 21 aña di edad y cu hobennan aki tampoco no por usa Vape. E ley aki ta existi caba bao di e Ley di Tabaco (Landsverordening Beperking Tabaksproducten).
A tuma nota cu Vape ta un trend nobo bao di e hobennan. Durante charlanan duna na diferente scolnan por a ripara cu e tematica aki ta keda bin dilanti y na unda ta encontra hobennan cu e Vape den nan poder.
KPA, DVG y FADA ta haci nan esfuerso riba e area di prevencion pa concientisa e hobennan durante charlanan na scol kico ta e consecuencia cu Vape tin pa nan salud. Nos ta pidi mayornan pa ta atento cu boso yiunan riba e tema aki y e peliger cu Vape por causa riba nan salud tanto pa corto pero a largo plazo.
Esaki ta djis e comienso KPA cu lo bay sigi cu e controlnan aki tambe na diferente localidadnan y areanan. Corda VAPE ta prohibi pa hobennan bao di 21 aña!
Polis a detene apenas 2 persona durante parada di luz na San Nicolas
SAN NICOLAS - Polis a detene apenas 2 persona durante parada di luz na San Nicolas. Diahuebs pa 8:01 pm polis conhuntamente cu SMAC a haci inicio di Parada di Luz San Nicolas. KPA tabatin 110 personal cu ta consisti di polis uniforma, recherche, ME, Flex Team, Mobile Commando, OCC, K9 Unit,Trafico, Unidad Motorisa,Planologie, personal administrativo y personal di CEA.
Barco di bela ta bay dal pega riba rif na altura di Barcadera
ORANJESTAD - Diaranson nochi un accidente a tuma luga riba lama caminda un boto a dal pega riba rif na momento cu e tabata nabega yega Aruba. E Centro Maritimo di Operacion di Wardacosta den oranan di anochi a ricibi un yamada cu tin un accidente cu a tuma luga den area di Barcadera caminda un boto lo a pega riba rif. Mesora Wardacosta a dirigi un Metal Shark pa bai na e area.
Polis ta alerta cu multa lo sigui cay pa auto cu numberplaat ‘bieu’
ORANJESTAD – Cuerpo policial a recorda diaranson, cu nan lo ta controlando severamente pa plach’i di number bieu. “ Mas duidelijk nos no por ta!” e mensahe tabata. “ Nos ta den 2026, Plach'i number blauw so ta valido. Bo tin e cora y bieu e chens ta grandi bo lo haya un boet!” e mensahe tabata
Alcohol ta keda problema: Polis a detene 17 chauffeur despues di Jouvert Morning
SAN NICOLAS - Durante y despues di Jouvert Morning, Unidad Motorisa a tene nan control di trafico na diferente puntonan strategico pariba di brug. A controla mas cu 600 vehiculo di motor y a detene 17 chauffeur pa maneha bao di influencia di alcohol. Aña 2025 tabata tin 7 detencion .
Total di 15 chauffeur burachi a keda sin nan auto despues di Lighting Parade
Polis a detene dos menor di edad pa bringamento durante parada escolar
ORANJESTAD - Polis diabierna a detene dos hoben pa bringamento durante parada escolar. Diabierna mainta a tuma lugar parada escolar na diferente districto rond Aruba. Cuerpo Policial tabata presente pa cu e orden publico y siguridad. Diferente teamnan di polis tabata presente pa asina percura pa e seguridad di tanto e participante y mirones. Polisnan presente tabata Mobiele Eenheid (ME), polis uniforma, polis di bario, K-9, SBV, planologie, OCC, y Flex team. Na comienso di e parada na Avenida Milio Croes a surgi un brigamento entre algun hobennan. Di biaha polis a presenta y a bay over na detencion. Ta trata di dos menor di edad (masculino) cu a wordo deteni y ora a ristranan a topa cu arma blanco riba nan ( boksbeugel y sambechi).
Follow NoticiaCla
