Croes: Kier yega na consenso riba cambionan di codigo civil

ORANJESTAD – Minister Paul Croes den su calidad como minister di labor, ta presidi e Tripartite entre Gobierno, Sindicatonan y dunadornan di trabou riba cambio di codigo civil di Aruba. E reunion ta canando y ta trata na yega na consensus riba varios cambionan cu ta wordo proponi di e codigo civil.

RONDA DI CONSULTA

Prome cu e tri-partite e titular di Labor a reuni den e asina yama ronda di consulta cu varios organisacionnan unda a trata di haya e sentimento general cu e cambionan lo mester trece cune.

PUNTO DI SALIDA

Minister Paul Croes a anuncia na inicio di e Tri-partite cu tin algun punto di salida. Productividad, Participacion y Proteccion ta e tres pilarnan cu ta guia e tri-partite. Gobierno den esaki ta trata na yega na un balance entre e tres puntonan aki. Ta scucha tur e bandanan di medaya y finalmente ta yega na un decision. Tambe mester tene na cuenta, e aspecto di concordancia den Reino Hulandes.

CODIGO CIVIL

E reunionnan andando ta trata e codigo civil di Aruba. Professor de Boer ta esun cu a consipia e ley (nobo) aki, y e cambionan den esaki. Durante e siman aki e reunionnan lo continua. Ta discusion serio y intensivo ta wordo hiba pa yega finalmente na e miho cambionan pa nos mercado laboral. E cambionan lo mester crea mas oportunidad pa trabou pa trahadornan, brinda proteccion na e trahadornan pero tambe no mester ta tanto stringente cu ta obstrui productividad. Ta tene recomendacionnan di instancianan internacional manera IMF tambe na cuenta den e discusionnan.