- Aruba tin un miyonario nobo cu a gana 1.425.000,= florin
- AMMF: Dolfijn Charlie ta sigui recuperando na Aruba
- ARUBA DOET 2026 ta move Aruba: 135 proyecto ta cambia bario y comunidadnan
- Rainbow Warriors ta propone codigo di conducta pa sector di UTV, ATV, e-bike y e-scooter
- 813 coredor lo conkista Aruba awe nochi durante e historico 34 edicion di Ronde van Aruba
Temporada di horcan 2025 ta basta activo debi na ausenCia di ‘El Niño’
ORANJESTAD / WILLEMSTAD.- Segun e promé pronóstikonan, por spera e aña aki un temporada di orkan ku ta un tiki mas aktivo for di normal, pero posiblemente tòg mas kalmu kompará ku 2024. Aña pasá orkannan Helene i Milton a kousa un impakto grandi na Florida i serunan djis pafó di kosta ost di Merka (Appalachians).
E tim meteorológiko di Colorado State University, Merka ta pronostiká 17 tormenta tropikal durante e temporada di orkan e aña aki. Un total di 9 di e tormentonan aki lo bira un orkan i 4 di nan lo yega orkan kategoria 3 òf mas haltu. Esaki ta algu mas ku e averahe di último 30 aña pa tormenta i orkan i ta yega serka di e total di 18 tormenta dia kua 11 orkan i 5 orkan di kategoria 3 òf mas haltu ku a registrá na 2024.
Tambe ta pronostiká ku durante e temporada di orkan 2025 lo no tin presensia kasi mes di e koriente konosí komo ‘El Niño’ ku ta konosí di tin un influensia negativo riba desaroyo di sistemanan tropikal. Tambe tin un posibilidat moderá pa kondishonnan klimatológiko okashoná pa e koriente konosí komo ‘La Niña’ durante di e periodo mas aktivo di e temporada di orkan (ougùstùs pa òktober), di akuerdo ku e último pronóstikonan di NOAA (National Oceanic and Atmospheric Administration). Esaki ta motibu prinsipal ku aktividat durante e temporada di orkan e aña aki lo ta mas haltu ku e averahe.
Ta pronostiká mas aleu ku e temperatura di laman den Karibe i Golfo di Mexico lo ta un tiki mas friu, loke tampoko ta faborabel pa desaroyo di sistemanan klimatológiko. NOTA: Texto ta scirbi den papiamento fonetico di Corsou.
Xi ta ricibi Trump na China, pero ta manda advertencia fuerte tocante Taiwan
PEKING – Presidente di China, Xi Jinping, a ricibi presidente americano Donald Trump cu hopi cordialidad durante su bishita oficial na Peking, pero a manda un mensaje cla tocante Taiwan.
Prome minister britanico Starmer no kier bay apesar di presion grandi pa renuncia
LONDRES – Prome minister britanico Keir Starmer no kier renuncia, apesar di e presion grandi den su propio partido y hasta dentro di su gabinete pa e laga su puesto. Despues di un reunion di gabinete, Starmer a bisa cu e pais ta spera cu gobierno sigui gobernando, y cu e ta pensa sigui haci esey.
Mama di Natalee Holloway ta sostene ex-fiscal di caso Vd Sloot Aruba den campaña politico
ALABAMA - Beth Holloway, mama di Natalee Holloway, a expresa apoyo publico pa Lloyd Peeples, e ex-fiscal federal cu a procesa Joran van der Sloot den e caso di extorsion conecta cu morto di su yiya.
Pasahero Mericano y Frances di Hondius a test positivo pa hantavirus
OMAHA - Pasaheronan Mericano y Frances abordo di crucero Hondius a test positivo pa hantavirus. E pasahero Mericano no tabata mustra sintomanan di e virus, segun autoridadnan di salud di Merca.
Homber a cancela biahe pa Aruba di ex socio y ta arresta pa robo di identidad
LONG ISLAND - Un homber di Long Island na Merma a wordo arresta despues cu, segun polis, e la cancela e vakantie di su ex-socio comercial pa Aruba usando su identidad durante un yamada telefonico cu un agencia di biahe.
WHO: Hantavirus no ta Covid y riesgo di pandemia mundial ta abou
WASHINGTON - World Health Organization (OMS) a declara cu hantavirus no ta mescos cu coronavirus y cu, pa awor, no tin señal cu e virus lo propaga riba escala mundial. Durante un conferencia di prensa, director general Tedros Adhanom Ghebreyesus y varios experto a explica cu e forma di contagio di hantavirus ta hopi diferente y cu transmision entre hende ta muy limita.
Follow NoticiaCla
