Conocido cantante Rubby Perez tambe a fayece den e tragedia na Republica Dominicana

WASHINGTON - Segun e corant mericano The Wall Street Journal, lider opositorio di Venezuela Maria Corina Machado a laga Venezuela ayera. E corant ta cita fuentenan mericano cu den un operacion estricmente secreto, Machado a cruza laman via boto pa Corsou, pa por yega na tempo na Oslo. No ta conoci si autoridad Hulandes tabata na altura di esaki.

BOGOTA - Servicio Geologico Colombiano (SGC) a reporta un temblor fuerte di magnitud 5,8 den madruga di diaranson, 10 di december 2025. Segun e entidad, e sismo a tuma luga den parti este di e pais. Conforme informacion cu SGC a publica, e temblor a sosode rond 3:27 di madruga y su epicentro tabata na municipio di Los Santos, den departamento di Santander. E movimiento fuerte di tera a wordo sinti den diferente cuidadnan di e pais, segun hopi hende a reporta riba rete socialnan.

MARIGOT  – Aerolinea Frances Antiano Air Antilles mester keda na tera pa awor, despues cu autoridad di aviacion Frances (DGAC) a detecta falta serio den cumplimento di seguridad den operacion di e compania. Permiso di operacion di Air Antilles a wordo suspende inmediato diamars, cu ta nifica cu tambe bende di boleto ta prohibi di inmediato. Pasaheronan ta wordo transferi, unda posibel, riba buelonan di competidor Air Caraibes. E compañia ta haya un luna pa implementa tur mehoracion necesario. Air Antilles tabata hopi tempu un socio importante di Winair cu su base na Sint-Maarten, pero den ultimo aña a pasa den un situacion hopi dificil.

BOGOTA - Aruba ta sigui amplia su presencia den mercado Latinoamericano cu un evento di entrenamiento pa industria di viahe na Bogota. E evento, organiza dor di Aruba Tourism Authority, tabata enfoca riba fortalece relacion cu agencianan di viahe y profesionalnan di turismo den Colombia y regionnan rond. E iniciativa tabata diseña pa duna experto di viaje mas informacion nobo tocante oferta di Aruba, y asina fortalece posicion di isla den turismo y e relacion cu mercado Latinoamericano. E evento den Bogota ta parti di e esfuezonan continuo pa laga mercado Colombiano, cu tin interes crece den viahe internacional, mira Aruba como un opcion principal pa relajacion, romance y aventura.

ORANJESTAD – E isla di San Bartolome (St Barths) a wordo nombra como destino mas sigur di Caribe y a yega na top di un clasificacion internacional nobo cu a evalua criminalidad, stabilidad politico, calidad di infrastructura sanitario y capacidad di respuesta den caso di emergencia. Segun un estudio di empresa Going, e isla ta sobresali pa su “seguridad exepcional” y nivel di delito mas bai di region, un diferenciacion cu ta pone e riba mas di otro destinonan visita den Caribe.

DEN HAAG - E propuesta di ley pa amplia eilandsraden y bestuurscolleges di Boneiru, Sint Eustatius y Saba ta bay pa Tweede Kamer. Den e conseho di minister ta aproba e propuesta aki di secretario di Estado Van Marum di Asunto Interno y Relacionnan Reino, despues di un conseho di Raad van State. Si e ley ta pasa, e cantidad di miembro di eilandsraad lo subi gradualmente durante e eleccionnan di 17 maart 2027. Boneiru lo haya dos miembro mas (di 9 pa 11), y Sint Eustatius y Saba lo pasa di 5 pa 7 miembro di eilandsraad. Tambe e cantidad di diputado lo crece: Boneiru di 3 pa 4, y Sint Eustatius y Saba di 2 pa 3. E aumento aki ta parti di revision di Wet op de openbare lichamen Bonaire, Sint Eustatius en Saba (WolBES) y a wordo acelera pa baha dilanti.