- Aruba tin un miyonario nobo cu a gana 1.425.000,= florin
- AMMF: Dolfijn Charlie ta sigui recuperando na Aruba
- ARUBA DOET 2026 ta move Aruba: 135 proyecto ta cambia bario y comunidadnan
- Rainbow Warriors ta propone codigo di conducta pa sector di UTV, ATV, e-bike y e-scooter
- 813 coredor lo conkista Aruba awe nochi durante e historico 34 edicion di Ronde van Aruba
Szabó: Hulanda ta pro pa Aruba haya fondo di inversion, basta e mes financia esaki
DEN HAAG - “Den mi opinion, un fondo di invershon ta un bon idea. E economia tambe ta desaroyando na Aruba, pues ohala tin recursonan tambe pa yena un fondo asina” Asina secretario di estado Hulandes pa Asuntonan di Reino, Zsolt Szabó a contesta Tito Lacle di Noticiacla diabierna, riba e pregunta kico e ta pensa di un fondo di inversion. E partido den gobernacion actual AVP, kier pa Hulanda converti e debe di Covid19 den un fondo di inversion. Hulanda ta contra. Pero pa Aruba mes bin cu uno ta ok. “ Pero ta e pais di Aruba su propio responsabilidad”.
HULANDA NO TA BAY CONTRIBUI CU FONDO
Segun Szabó, e fondo di inversion mester wordo yena pues cu propio recurso di Aruba, manera parti di e surplus crea. Y e motibo segun Szabó cu Hulanda no ta bay contribui, ta logico. “Bo tin cu yena esey cu bo propio recursonan, pasobra si bo no (haci esey), y bo pidi Hulanda pa contribui na esey, e ora bo ta en realidad pidiendo e pagador di belasting Hulandes pa yena un fondo di inversion di un pais autonomo manera Aruba” Szabó a bisa. Y e fli ey nio ta bay subi.
CON HULANDA TOCH TA CONTRIBUI
Bisando esey, Szabó a sigura cu Hulanda ta contribui, pero via otro caminda. “Pa medio di e paketenan di pais nos kier contribui na desaroyo economico, manera digitalisacion, autosuficiencia, reformacion di e sistema di impuesto, modernisacion di e sistema di impuesto” Szabó a bisa, como parti di e landspakket. Pero, no por haci esaki eternamente. Pa esey ta caduca aki 2 aña.
PLAN DI SZABO
Szabo ta para riba pa tres punto clave wordo sigui, como su maneho. ‘ Bon gobernacion, finanzas solido y autosuficiencia economico. Y a base di esaki, a puntra e mandatario tambe pues si ta bon pa Aruba crea un fondo di inversion pa proyectonan economico, cu e mirada cu e gabinete actual kier algo asina, pero via un otro caminda, esta conversion di e debe actual di Covid, den e fondo di inversion. Algo cu e mandatario Hulandes ta pro, pero cu e condicionan menciona. Si Aruba pidi pa e otro, e lo haya un no.
.
Ex minister Plasterk ta critica bishita extenso di Jetten na seis islanan di Reino
AMSTERDAM – Ex-minister di Relacionnan di Reino Ronald Plasterk a critica prome minister hulandes Rob Jetten pa su extenso bishita na Caribe Hulandes fuertemente, incluyendo Aruba. Segun Plasterk, ta “incomprendibel” cu Jetten ta dedica tanto tempo na e islanan mientras cu “mundo ta na candela”.
Douane na Hulanda a intercepta 43 miyon cigaria ilegal den un luna
ROTTERDAM - Autoridadnan di douane na Hulanda a logra intercepta mas cu 43 miyon cigaria ilegal den solamente un luna. E mayoria di e cargamentonan a wordo descubri den containernan maritimo den haf di Rotterdam, hopi biaha cu yudansa di cacho specialisa. Te awor, por lo menos diez sospechoso a wordo aresta.
Raad van State: Hulanda no a demonstra pakico Aruba mester ley pa kita nacionalidad di terroristanan
ORANJESTAD – Afdeling advisering di Raad van State di Reino Hulandes a conclui cu gobierno hulandes no a fundamenta suficientemente pakico ta necesario pa haci e ley cu ta permiti kita nacionalidad hulandes di personanan cu ta uni cu organisacionnan terrorista na exterior, algo permanente.
Eurovisie Songfestival ta cuminza: cu Israel pero sin Hulanda
AUSTRIA – Eurovisie Songfestival ta cuminza awe anochi den Stadthalle na Austria, pero e biaha aki sin participacion di Hulanda. AVROTROS a decide pa no participa despues cu organizacion EBU a confirma cu Israel lo sigui participa den festival. Austria ta organisa e evento despues cu cantante JJ a gana anja pasa cu e cancion “Wasted Love”. Ta e di tres biaha den historia cu Austria ta organiza Eurovisie. Hulanda solamente dos biaha anteriormente no a participa den festival, pero esta biaha e decision ta politico. Tambe Spaña, Slovenia, Islandia y Irlanda a decide di no participa.
Hantavirus: Stewardess hulandes di KLM ta test negativo , pero mas britaniconan infecta
AMSTERDAM - World Health Organization (OMS) a confirma cu e stewardess hulandes di KLM cu tabata den aislamiento na Amsterdam, no tin hantavirus. Testnan a confirma cu e no a wordo infecta, apesar cu durante su trabou na Johannesburg el a drenta den contacto cu un hende hulandes cu posteriormente a muri despues di a wordo infecta abordo di crucero MV Hondius.
CBCS ta lansa monedanan commemorativo pa celebracion di clasificacion di Corsou pa Mundial
AMSTERDAM - Centrale Bank van Curacao en Sint Maarten (CBCS) ta lansa dos moneda commemorativo special pa honra clasificacion historico di seleccion di futbol di Curacao pa Mundial di Futbol. Ta trata di un moneda di plata di cinco florin y un moneda di cincuenta cent.
Follow NoticiaCla
