Eman ta confesa: Forma un gobierno di coalicion tabata un experiencia nobo

ORANJESTAD – Prome minister Mike Eman diamars anochi a confesa na Tito Laclé den e programa Noticiacla LIVE, cu forma un gobierno cu un coalicion, no tabata algo facil. E la confesa cu e tabata un experiencia nobo, trata cu un partner di coalicion ya cu den su dos termino anterior como premier, e no mester a negosha cu un partner di coalicion

COALICION

E prome asunto di negosacion tabata ‘ un experiencia nobo’ caba, manera sr Eman mes a bisa, mirando cu tanto na 2009 como 2013 ora cu e la gana eleccion cu 12 y 13 asiento respectivamente, y awor e la haye pa prome biaha cu un coalicion. Algo cu e no tabatin experiencia cu ne. E la conta di un anecdota personal emocional ora cu  durante e proceso, su ruman mayo tabata hopi malo y despues a bin fayece. “Cierto momento mi a bis’e, Henny bo tin cu lanta pasobra ami no tin experiencia cu coalicion! Abo a forma tres coalicion!” Eman a bisa, cu e intencion pa duna su ruman mayo animo pa bira miho, pero esaki no a yuda. E la mustra tambe cu tabata enberdad un reto pa forma un coalicion pero e ta kere cu a logra si. A papia hopi cu otro, dialoga pa gana confiansa cu otro, cu tabata importante pa yega na un coalicion duradero. “E animo ta hopi halto y e confiansa mutuo tambe ta hopi halto!”. Pa wak e entrevista completo, click AKI.