MLB: Season opener 2026 entre Padres y Braves ta na Aruba y Corsou

MIAMI – Major League Baseball a anuncia diamars mainta cu e prome dos weganan di temporada di 2026, entre San Diego Padres y Atlanta Braves, lo ta na Aruba y Corsou riba 27 y 28 di Maart 2026, respectivamente. No ta inusual cu MLB ta cuminsa un temporada den exterior, y a hacie multiple biaha na lugarnan manera e.o, Japon, Korea y London. Mayoria biaha ta depende di e hungadornan den e ekipo y e mercadeo rond di esaki. 

HUNGADORNAN DI ARUBA Y CORSOU

E biaha aki, mirando cu tin varios hungador di e islanan Aruba y Corsou den e dos ekiponan aki, a opta pa haci esaki un evento special. E weekend cu a pasa caba, tabatin un serie entre e dos ekiponan aki unda cu particularmente diadomingo, tabatin Chadwick Tromp y Xander Bogaerts di Aruba, y Ozzie Albies y Jurrickson Profar di Corsou den e wega. Mientras cu Bogaerts so tabata den San Diego Padres, e otro tresnan tabata den Atlanta Braves. Ademas, e ta un muestra na e hungador Xander Bogaerts, cu a haci asina hopi pa MLB den e ultimo 10 añanan. Di otro banda, e hecho cu a caba suspende e hungador di Corsou, no ta yuda e causa, pero ta spera cu esaki por wordo resolvi.

Cu e evento aki, e ta bira sigur un evento sinigual, unda cu dos ekipo professional, pa prome biaha lo hunga contra otro riba nos islanan.