MLB a suspende yiu di Corsou Jurickson Profar pa 80 wega pa substancia prohibi

LOS ANGELES – Major League Baseball dialuna a suspende e yiu di Corsou Jurickson Profar pa 80 wega, despues di a tèst positivo pa Chorionic Gonadotrophin (hCG), un substansia cu ta mehora rendimento cu ta den violacion di e Programa di Prevencion y Tratamento di Droga Conhunto di Major League Baseball. E suspension ta mitar di un temporada, si tene na cuenta cu un temporada tin mas of menos 162 wega. 

E suspension pa e Profar di 32 aña, kende a firma un acuerdo di tres aña, $42 miyon cu Braves na januari, lo dura te na fin di juni. Si Braves clasifica pa e postseason e aña aki, Profar lo no ta eligibel pa hunga.

Braves a publiká e siguiente deklarashon: “Nos a keda sorprendí i sumamente decepciona di haña sa cu Jurickson Profar a tèst positivo pa un supstansia ku ta mehorá rendimentu den violashon di e Programa di Prevenshon i Tratamentu Konhunto di Liga Mayor di Beisbòl. Nos ta sostené e Programa kompletamente i ta spera cu Jurickson lo siña for di e experencia aki.”  Pa loke ta Profar mes, e la disculpa su mes publicamente. E potret ta di noticiacla di Profar durante su wega ayera contra San Diego Padres unda cu Profar a topa cu Xander Bogaerts, Chadwick Tromp y Ozzie Albies. Tur den e mesun wega.