Gobierno kier restaura ex Beatrix y Juliana School como scol of por lo menos monumento

ORANJESTAD – Despues cu a cera e scol na November di 2014 pa seguridad, gabinete AVP-FUTURO a anuncia dialuna mainta, e intencion pa restaura e edificio cu tabata conoci como Reina Beatrix School, y tambe su bisiña Juliana School na Klip. Tanto premier Mike Eman y ministernan Gerlien Croes y Geoffrey Wever tabata alumno di Beatrix school, y como tal esaki tabata un momento special pa nan. E intencion ta pa explora e idea pa restaura ambos edificio, y posiblemente hacie un school bek of dune un otro destinacion. E mainta aki a reuni cu DOW, y tambe cu monumentenfonds, pa wak kico e posibilidadnan ta. Na November di 2014 a cera e scolnan despues cu a determina cu e scolnan no tabata sigur mas pa loke ta e infrastructura. Mester a muda varios di e klasnan pa varios otro edificio pa asina e lesnan por a sigui.