Mayoria banco dialuna ta cera nan sistema online pa cambio di moneda di Corsou y St Maarten

ORANJESTAD - Dia 31 di mart banconan na Aruba y otro islanan lo modifica nan sistema bancario digital pa por adapta pa e sistema di moneda nobo di Corsou y St Maarten. Na Corsou y St Maarten p.e. lo sera for di mèrdia i kambia nan sistema pa e kódigo di moneda nobo XCG. Internet banking lo ta disponibel despues na un grado limitá for di 8:00 PM pa 8:00 AM e siguiente mainta. ATMnan tambe por ta temporalmente for di servisio i por sigui emití biyetenan di e florin bieu pa e promé simannan. Pagonan di Visa i Mastercard tambe por wòrdu interumpí brevemente riba e anochi di 1 di aprel CBCS ta konsehá públiko na Kòrsou pa sigui informashon aktual via nan propio banko.

E introdukshon di e florin karibense no tin konsekuensia direkto pa Boneiru, kaminda e dòler merikano ta e moneda legal for di 2011. Sinembargo, ta importante pa personanan ku ta hasi negoshi ku òf ta biaha pa Kòrsou i Sint Maarten tene kuenta ku e kambio aki.

E balor di e florin karibense nobo lo keda mará na dòler merikano, ku e mesun tasa di kambio ku e florin antiano hulandes (1 USD = 1,79 florin karibense). E florinnan di Antiyas Hulandes eksistente ainda por wòrdu kambia na bankonan na Kòrsou i Sint Maarten te fin di 2025. NOTA: Texto ta scirbi den Papiamento fonetico di Corsou.