Boneiro ta bati alarma riba menasa militar for di Venezuela

KRALENDIJK – Gezaghebber John Soliano a bati alarma cerca gobierno hulandes tocante menasa militar for di Venezuela. Den un carta na ministernan Brekelmans (Defensa) i Veldkamp (Asuntunan Exterior), e ta lanta e pregunta di “te na ki grado i di ki manera e defensa di i sosten pa Boneiro ta wordo regla den caso di un atake riba e fronteranan teritorial di Boneiro.”

Den su carta fecha dia 25 di maart, Soliano ta señala cu e situacion a bira “mas preocupante” despues di e ultimo eleccionnan na pais bisiña Venezuela. "Tin un chens real cu por tin un fluho incontrolabel di refugiado pa Boneiro. Esaki ta ensera riesgonan pa ordo y seguridad publico. Pero tambe tin chens di un menasa militar. E chens aki ta birando mas grandi y mas real debi na e relacionnan geopolítico mas recien y cambiante entre diferente pais," e gezaghebber ta scirbi.

Mas aleu Soliano ta señala cu e situacion na Venezuela no a wordu inkluí den e evaluashon di menasa ku resientemente a wordo manda pa e Camara di Representantenan dor di MIVD y AIVD. “Boneiro ta un isla chikito cu ta depende di e sosten y compromiso di gobierno ora ta trata di calamidad y crísis, pero tambe den menasa militar. E sosten y compromiso den caso di un menasa militar ta difuso den e caso specifico di Boneiro.”

Gezaghebber ta declara cu un atake riba e fronteranan teritorial di Boneiro mester wordo mira como un atake riba Hulanda. “Pa Hulanda Europeo, e clausula di defensa colectivo den e tratado di OTAN ta conta den un caso asina.  

Soliano ta termina su carta di e siguiente manera: “En bista di e anterior, mi kierpidi bo pa duna claridad riba e nivel y forma di sosten cu por spera, pero tambe e tempo di contesta enbolbi, den caso di un atake riba e fronteranan teritorial di Boneiro.” NOTA: Articulo cortesia di dossierkoninkrijksrelaties.nl