Insel Air Aruba ta hiba RCA Aruba Bank pa Miami Cup 2015

ORANJESTAD - ‎Cu masha orguyo sv RCA lo bolbe representa Aruba na Miami Cup e biaha aki den division U-16. E comision Miami Cup ta gradici tur hende cu a contribui cu nos fundraising raffle di e Smart TV cu porcierto e number ganador no a ser bendi. Na e compania nan cu a cumpra 10 buki rifa of mas; Mattews Restaurant, Ennia Insurance, Graficas Aruba, Security Extreme y en particular nos hoofd Sponsors Aruba Bank y Insel Air Aruba un danki masha special pa hasi e biahe aki posibel. Tambe e Staff ta gradici Thyonne Oduber y Jaimz Kaan di Britannia, pa join y reforsa e fuerte ekipo aki. Diasabra awo lo sali di biahe, apertura ta diadomingo. Dialuna 12or merdia lo topa cu Puerto Rico ekipo Professional Futbol Elite. Diamars 12or merdia lo topa cu Cuenca ekipo B di Ecuador. Diaranson 10:h30 am lo topa Atletico Cacsa di Mexico y diahuebs lo topa ekipo A Cuenca di Ecuador. Final ta diabierna pa 4:30 di atardi. Por sigui e evento na wsfint.net. Delegacion ta encabesa pa Teamleaders Arleen Oduber y Yazmira Tromp. Coaches nan ta Lito Kelly, Veron Albertsz y Rafael Vanegas. Directiva di RCA ta desea e grupo di hobennan aki tur clase di exito y laga Aruba su nomber resona y su bandera briya entre e paisnan grandi di futbol.