Szabó a pone miembronan di Eilandsraad di islanan BES na nan lugar na Hulanda

DEN HAAG – Consehonan Insular di Boneiro, Sint Eustatius y Saba. (Islanan BES) por keha cuanto cu nan kier, e posicion di Rijksvertegenwoordiger  lo sigui eksistí. Asina secretario di estado Szabo a bisa e delegacion na Hulanda den un carta.

Nan a ricibi e mensahe aki net prome cu nan encuentro dialuna cu Secretario di Estado pa Relashonnan di Reino Zsolt Szabó den un carta den cua nan tambe ta wordo pone na nan luga den terminonan no insigur: Consehonan insular no ta partnernan di discucion pa e Secretario di Estado.

E carta den cua Consehonan Insular recientemente a opone contra e intencion di Szabó pa retene e puesto di RV claramente no a haña bon acohida. “E secretario di Estado a laga sa bon cla cu e ta haya e tono di e carta di e Consehonan Insular, den cual a pidi un reunion cu e Secretario di Estado, hopi inapropia y cu e no ta reconoce e imagen cu a wordo pinta,” e ministerio a bisa despues di e reunion, cu segun informe a tuma luga den un ambiente glacial. E acusacionnan cu e Consehonan Insular a haci contra di Szabó (incluso “colonial”) asta ta parce di a resulta contra: “Bo carta ta duna mi motibo pa enfatisa cu mi ta completamente convenci di e necesidad pa retene e posicion di e Representante Nashonal. P’esei mi desicion ta definitivo.”

E echo cu e delegacion di BES a wordo ricibi door di Secretario di Estado dialuna atardi ta un excepcion di un solo biaha: “Mi ta tene consulta cu e huntanan ehecutivo i no cu e consehonan insular. Nan ta e maneho diario. Mi ta confia cu e huntanan ehecutivo lo por transmiti e puntonan di bista di nan consehonan insular - caminda ta necesario Pues lo mi no keda discutí cu boso.”

E delegashonnan a abstene di saca un potret di grupo cu nan anfitrion. NOTA: E texto ta cortesia di dossierkoninkrijksrelaties, y ta usa integralmente cu permiso di e autor.