Hulanda ta pone conseho di biahe fuerte pa Merca pa personanan LGBTI

DEN HAAG - Ministerio di Relacionnan Exterior hulandes a ahusta e texto den e conseho di biahe pa personanan LGBTI cu kier biaha pa Merca. E ministerio ta skirbi cu hendenan LGBTI mester tene cuenta cu “leinan ycustumbernan na Merca pa cu personanan LGBTIQ+ por ta diferente for di esnan na Hulanda”. Anteriormente e conseho di biahe tabata bisa cu e leynan y custumbernan ta comparabel cu esnan di Hulanda.

M OF F SO 

E conseho di biahe awor ta bisa tambe cu desde 25 di januari, autoridadnan Mericano ta acepta solamente M of F como identificacion di genero.

P’esei e biaheronan mester indica nan sexo na momento di nacemento ora di aplicapa un ESTA (un permit di biahe di termino cortico) of un visa. ESTA of visa cu a wordo emiti caba ta keda balido te na nan fecha di vencemento.

Si algo no ta bon cu e datonan, e por ta un motibo pa autoridadnan Mericano nenga entrada na e pais. E ministerio tambe ta adverti cu hende mester atene nan mes estrictamente na e proposito declara di nan biahe y no keda den e pais mas largocu e ESTA of visa ta permiti. Di otro manera, “bo ta kore riesgo di aresto uencarcelacion, y por wordo deporta.”