Pa e fin di siman aki, awor si, Aruba por tin su gobierno nobo

ORANJESTAD – Despues cu diabierna ultimo noticiacla a raporta cu ainda Raad van Advies no a topa cu e dos formadornan riba nan resultado di screening, (nificando cu cos no ta cla pa tin un gobierno nobo) , a compronde mientrastanto cu esey por cambia e siman aki. Posiblemente awe caba - of mas tarda mañan - esey ta sosode, esta e reunion entre RvA y e dos formadornan. Y cu despues, por spera cu probablemente fin di siman aki, Aruba por tin su gobierno nobo. Esey bisa, a compronde tambe cu esaki no lo bin sin su reto, mirando cu ainda tin por lo menos un candidato cu ainda no a pasa e screening (manera e mes a indica!), y cu lo e posibilidad ta cu e gabinete ta forma cu un minister menos (un otro minister ta haya e cartera temporalmente) te ora cu e asunto ey keda regla. Sea cu e candidato ta keda cla despues of ta pone un otro candidato, cu tambe lo mester pasa e proceso di screening.