ORANJESTAD – Despues cu diabierna ultimo noticiacla a raporta cu ainda Raad van Advies no a topa cu e dos formadornan riba nan resultado di screening, (nificando cu cos no ta cla pa tin un gobierno nobo) , a compronde mientrastanto cu esey por cambia e siman aki. Posiblemente awe caba - of mas tarda mañan - esey ta sosode, esta e reunion entre RvA y e dos formadornan. Y cu despues, por spera cu probablemente fin di siman aki, Aruba por tin su gobierno nobo. Esey bisa, a compronde tambe cu esaki no lo bin sin su reto, mirando cu ainda tin por lo menos un candidato cu ainda no a pasa e screening (manera e mes a indica!), y cu lo e posibilidad ta cu e gabinete ta forma cu un minister menos (un otro minister ta haya e cartera temporalmente) te ora cu e asunto ey keda regla. Sea cu e candidato ta keda cla despues of ta pone un otro candidato, cu tambe lo mester pasa e proceso di screening.
ORANJESTAD – Un delegacion di e agencia di ratings Mericano Moody's na Aruba pa evalua rating financiero di e isla. Agencianan di rating ta instancianan independiente cu ta analisa e capacidad di un pais (of empresa) pa paga su obligacionnan financiero. Nan ta evalua riesgo financiero, stabilidad economico y maneho fiscal.
ORANJESTAD – Minister di Finansa Geoffrey Wever, diamars atardi a informa cu CAft a duna un conseho positivo riba e presupuesto 2025, aproba unanimamente pa Parlamento riba 28 di maart 2025. E conseho di CAft ta confirma e direccion financiero prudente di Gabinete AVP-Futuro y alabes efectivo pa yuda cu poder di compra na Aruba. Mester bisa si cu ainda CAFt mes no a publica e conseho riba su portal pa por verifica esaki.
ORANJESTAD – Ministerio di Finansa y Asunto Economico, a traves di Departamento di Asunto Economico, ta anuncia e prijs di gasolin y diesel cu lo tuma efecto entrante 1 di mei 2025.
ORANJESTAD – Departamento di impuesto (DIMP) a cumpli cu e demanda di parlamentario Mike de Meza pa manda un carta positive p’e. Kico e contenido ta, no ta conoci pa noticiacla ya cu e abogado a opta awor pa no duna mas comentario. “Sorry, awe si ta no comments” e abogado Desiree Croes a reacciona pa Noticiacla dialuna atardi despues di cu e deadline a vence. Inicialmente a informa cu lo a bay entama un caso sumario awe diamars of mas tarda diaranson. Sinembargo, algun rato despues, cos a cambia, ora cu a bira conoci cu ‘toch’ un reaccion a drenta di parti di DIMP. Pero ora cu a puntra kico ta bay sosode awor, cu e contesta a drenta, e abogado a opta pa no duna mas comentario. Pues no ta sigur kico e contesta tabata.
ORANJESTAD – Gabinete AVP-FUTURO a pidi secretario di estado hulandes Szabó pa reconsidera su decision pa aumenta e tasa di interes pa e pago di debe di Covid. Specificamente ta sugeri pa aplasa e tempo cu 6 siman, den cual partidonan lo mester keda cla pa entrega e concepto di e rijkswet nobo pa supervision financiero.
ORANJESTAD – Manera cu Noticiacla a raporta anteriormente caba, awe mainta e delegacion di tanto Eerste como Tweede Kamer di Hulanda a bishita Conseho di Minister. Esaki ta mas di raportahe grafico di e bishita.