Kirsty Coventry eligi como presidente nobo di Comite Olimpico Internacional

BAHREIN - Pa Max Verstappen e prome dianan di test na Bahrein a yega na su fin. E coredor Hulandes di Formula 1 a drenta den accion den sesion di mainta riba e ultimo dia di test, y asina a cera su trabounan. Den sesion di atardi, su compañero di team Isack Hadjar ta drenta den e auto. Teamnan por usa solamente un bolido durante dianan di test. Na Bahrein, Verstappen a logra marca hopi kilometer. Entotal el a yega te 61 rond y e di tres mihor tempo di e dia. Coredor di Racing Bulls, Liam Lawson, tabata e mas productivo cu 84 ronda. George Russell (Mercedes) tabata e mas rapido. Teamnan ta core cu diferente afstelacion, posishon di motor i cantidat di combustible durante e prome dianan di test di e nobo temporada. Haci kilometronan i, sobre todo, no keda para na banda cu problema, esei ta e meta principal durante dianan di test.

LOS ANGELES - James Van Der Beek (48), e actor mas conoci pa su papel principal den e serie hubenil popular di ananan 90 Dawson's Creek, a fayece. “Nos amado James David Van Der Beek a fayece na paz awe mainta. E la enfrenta su dianan final cu curashi, fe y dignidad,” asina   comunicado comparti riba su pagina oficial di Instagram ta bisa diaranson “Tin hopi pa comparti tocante su deseo, su amor pa humanidad y e valor sagrado di tempo. E dianan ey lo yega. Pa awor nos ta pidi privacidad y trankilidad mientras nos ta lamenta e perdido di nos esposo, tata, yiu, ruman y amigo stima.”

BRUSELAS - Sector di aeropuerto y linea aerea na Europa a zona alarma tocante e sistema nobo di control di entrada y salida di Schengen, e asina yamado Entry/Exit System (EES). Segun organisacionnan di industria ACI EUROPE, Airlines for Europe (A4E) y International Air Transport Association (IATA), e sistema ainda ta causa retraso considerable pa biaheronan for di Union Europeo (EU). Sin adaptacion directo, den e luna di zomer mas ocupa, tempu di espera por subi te cuatro ora of mas. Den un carta na eurocomisario Magnus Brunner (Asunto Interno y Migracion), e organisacionnan ta indica cu biaheronan awor ya ta warda te dos ora na control di frontera na aeropuerto. Esaki, entre otro, door di falta di personal na autoridadnan di frontera, problema technico — principalmente cu paso automatisa di frontera — y uso limita di e app di pre-registracion di Frontex door paisnan Schengen.

SANTA CLARA – E show di intermedio di Superbowl na Merca diadomingo anochi, di e artista conoci como Bad Bunny, ainda ta den boca di ciudadanonan di islanan ABC y St Eustatius awe mainta. Esaki pasobra, manera cu Noticiacla a raporta for di e momento cu e la sosode, e ciudadonan cu a wak e presentacion, a keda sorprendi di mira e bandera di e respectivo islanan. E show cu a dura algo mas di 13 minuut, a conta cu 2 artista invita, Lady Gaga y Ricky Martin, y a conta te hasta cu un casamento real. Por mira e show completo AKI. 

TUCSON - Un carta di rescate pa e mama secuestra di presentadora di e canal di television mericano NBC, Savannah Guthrie, ta exigi 6 miyon dolar den bitcoins pa su liberacion. Esaki ta wordo reporta door di un canal local den Merca cu a ricibi un copia di e carta. E familia a confirma diabierna cu nan ta dispuesto di paga e cantidad. Awe 5.00 di atardi ora local, E deadline cu e remitente di e carta a stipiula, ta termina. Segun CNN, e autor di e carta ta menaza di haci Nancy Guthrie daño despues di e ora ey. Polis a declara cu e decision di drenta of no drenta den e exigencianan ta keda na man di e familia. “Nos por duna conseho tocante aplicacion di ley, pero cualkier accion cu tin cu rescate ta finalmente decision di e familia mes.” E familia a descubri e secuestro di Nancy Guthrie ora e no a presenta riba un servicio di misa dianan pasa. Na cas di e muhe di 84 aña, cu ta situa net pafo di Tucson den estado di Arizona, polisia a haya señalnan di entrada forsa y sanger. Varios medio di comunicacion tambe a ricibi un carta di rescate.

SANTA CLARA – Aruba su bandera ( y di Bonaire y Corsou ) a luci diadomingo anochi durante e half time show di e wega di Superbowl di e artista Puertoriqueño Bad Bunny. E artista a sa di mantene e show completamente na spaño, cu ta algo nunca visto ainda den un wega totalmente mericano. Hopi a wak e show, djis pa wak si e artista ta ‘comporta’ su mes y si e ta mantene e show completamente na spaño. Tambe a kere cu e ta bay protesta un biaha mas contra ICE, e instancia di Merca cu ta persigui ilegalnan na Merca. Loke niun hende a spera, sigur no na Aruba, di a wak e bandera di Aruba, grandemente entre centenares di bandera di paisnan latino mas tanto. Por a mira claramente na parti final di e show, con e bandera tabata luci durante e caminata di Bad Bunny. A nota tambe bandera di e.o. Bonaire y Corsou. Cu esaki, e bandera di Aruba a keda exponi na biyones di persona instantaneamente rond di mundo.