Corsou ta den gara total di eleccion pa diabierna!

WILLEMSTAD – Un total di 8 partido politico lo ‘midi forza’ diabierna awor, pa e proximo eleccion parlamentario. Loke ta notable, ta e despliege di material visual tur rond di Corsou. Mientras cu pa ley na Aruba ta prohibi pa pone material politico riba e.o. palo di luz, na Corsou, a usa netamente e forma ey pa desplega e bandera di partido y borchi. 

HOPI PLACATa notable cuanto placa a wordo inverti den e eleccion. Un recorido di Noticiacla e siman aki na Corsou, a mustra cuanto material visual ta ubica tur rond di e isla. Di algun partido mas cu otro, y por nota claramente cu e partidonan MFK, PAR, PNP, Miho Korsou y KEM ta domina esaki. Aki aya tambe algun grandi di Mi Korsou, pero e prome dosnan menciona, sigur ta domina e plachi na Corsou. 

COBERTURA

Noticiacla lo tin su cobertura gran parti di dia y tambe cu e resultado anochi, riba su pagina di Facebook. Keda pendiente pa e cobertura cu ta cuminsa for di den oranan di mainta.   

PARTIDONAN CU TA PARTICIPA

Tin un total di 8 partido ta bai participa na e eleccion di 21 di maart. E partidonan aki ta: PAR, MFK, MAN-PIN, KEM, TPK, PNP y Miho Korsou y Movementu Kousa Prome. Diamars tabatin e ultimo debate nacional, mientras cu diaranson tabata clausura di campaña.