Bisk: Actuacion rapido di compania di jetski, a evita un situacion tragico riba laman na Aruba

ORANJESTAD - Loke por a caba tragicamente a keda evita danki na pensamento rapido di e compania di huur jet ski na Aruba e siman aki. Asina e rabino  Levi Bisk a declara riba e portal hudiu chabad e siman aki. E compania segun Bisk , a tuma contacto cu Guardacosta directamente en bes di sigui e procedura standard di yama polis local prome, ora cu a tuma nota di e incidente unda cu dos turista hudiu a bolter cu jetski riba laman rond di Aruba. E desicion aki a resulta crucial, acelera e operacion di rescate cu mas cu un ora, sigurando cu e buskeda a cuminsa mientras cu tabata cla pafo y prome cu solo baha a haci buskeda y rescate exponencialmente mas difísil.

Despues di varios ora, tur dos homber a wordo haya milagrosamente un rato cortico for di otro den bon condicion, na bida y mustrando señalnan di shock y friu, pero sin hipotermia. “Ta un berdadero milager di Purim cu e historia aki a caba mescos cu afortunadamente el a caba,” segun Rabino Levi Bisk, un miembro di e team di Chabad di Aruba. “En general, hende perdi den awa no ta wordo haya na bida, si nan wordo haya at all. Mi no por exagera cuanto milager nos a mira aki.”

Den un cambio dramatico di susesonan, dos turista hudiu a keda rescata na costa di Aruba door di Wardacosta di Caribe Hulandes despues cu un excursion di jetski a bai robes riba 11 di mart. Chabad-Lubavitch di Aruba, dirigí pa Rabino Ahron i Chaya Blasberg y nan team, a hunga un rol crucial den coordinacion di e esfuersonan di rescate y duna asistensia na e bishitantenan straha.