- Netflix ta trahando riba documental tocante desaparicion di Natalee Holloway
- Hospital a los nan videoclip di fin di aña cu Jeon y Coro Tutti Frutti ‘Salud na bo salud!”
- Na Hulanda, partidonan D66, VVD y CDA tin te 30 di januari 2026 pa sigui cu e ronda nobo di formacion
- ATA y APA a yama barco crucero MS Renaissance bonbini durante su bishita inaugural na Aruba
- Yiu di Machado ta ricibi Premio Nobel di Paz na nomber di su mama
Mision pa alivia astronautanan pega riba ISS, pospone atrobe
MIAMI - E mision espacial cu mester a trece reemplasonan pa dos astronauta mericano pega na e stacion espacial di ISS a keda posponi. E buelo di SpaceX y NASA a keda retrasa poco prome cu salida diarason anochi (ora local) pa motibo di un problema riba e plataforma di lansamento.
Si por soluciona e problema na tempo, diabierna anochi lo haci un otro intento. Esei tambe ta depend\e di e condisionnan di weer na e Centro Espacial Kennedy na Florida. E cuater astronautanan tabata abordo di e cohete caba ora cu e mensahe a drenta cu e lansamento a wordo cancela.
E grupo di astronautanan cu ta sali, tambe conoci como ‘Crew 10’, ta consisti di dos mericano, un hapones y un ruso. Nan lo reemplasa un ruso y tres mericano, incluyendo Suni Williams (58) i Butch Wilmore (61).
E dos astronautanan ta eynan for di juni y en realidad mester a keda un siman, pero nan no por a regresa pa motibo di problema cu e capsula cu nan mester a regresa aden. E Boeing Starliner aki eventualmente a wordo debolbi na Tera bashi.
Netflix ta trahando riba documental tocante desaparicion di Natalee Holloway
LOS ANGELES – E gigante di streaming, Netflix ta trahando riba un documental tokante desaparicion di Natalee Holloway. Den e serie di tres parti, e mama Beth Holloway ta conta, segun Netflix, “pa prome bez, e historia completo”. E documental ta inclui entrevista cu investigadornan y grabacion cu nunca a wordo mustra prome. Tambe tin audiomaterial di famia Holloway, amigonan y FBI. Natalee Holloway a desaparece ( e relato ta papia di mata:red) na 2005 na edad di diesocho aña riba Aruba door di hulandes Joran van der Sloot. Holloway tabata na Aruba pa vacacion pa celebra su graduacion hunto cu su amiganan di scol. Despues di un anochi di sali, e no a bolbe su hotel.
Yiu di Machado ta ricibi Premio Nobel di Paz na nomber di su mama
OSLO - Ana Corina Sosa Machado, yiu di lider oposicion venezolano María Corina Machado, a ricibi Premio Nobel di Paz na nomber di su mama durante e ceremonia na Oslo. Machado no a logra yega na tempo pa ceremonia den capital Noruego. Segun presidente di Comite Nobel Noruego,” e la haci tur loke tabata den su poder pa por ta presente awe na ceremonia, den un biahe bou di circunstancianan sumamente peligroso”.
Trump ta sigura cu dianan di presidente venezolano ta ‘conta’!
WASHINGTON – Den un entrevista cu e portal politico mericano ‘Politico’ diamars, presidente Mericano Donald Trump a sigura cu e presidente di Venezuela su tempo pa baha, ta yegando. “Su dianan ta conta!” e mandatario mericano a bisa diamars. Den e entrevista, Trump sinembargo a rehusa varios biaha pa exclui cu soldadonan mericano por wordo manda pa Venezuela como parti di un esfuerzo pa kita poder di lider Nicolás Maduro, cu Trump ta culpa pa exporta droga y hende peligroso pa Merca. Cierto lidernan di banda drechi na Merca a adverti Trump cu un invacion terrestre di Venezuela lo ta un liña cora pa conservadornan cu a vota pa dje parcialmente pa para guerran internacional.“Mi no kier inclui ni excluí. Mi no ta papia di esaki,” Trump a bisa tocante manda tropa terrestre, agregando: “Mi no kier papia cu bo tokante estrategia militar.” Por wak e entrevista completo AKI.
Ganador di Nobel María Corina Machado no lo ta presente na ceremonia, ‘pero lo yega Oslo’
OSLO - Lider oposicion di Venezuela, María Corina Machado, no lo ta presente na entrega di Premio Nobel di Paz, pero e lo yega Oslo. Esaki ta segun hefe di Instituto Nobel Noruego durante un declaracion na e medio NRK.
Presencia di Machado na Oslo ta retrasa y tin misterio riba su paradero
OSLO - Conferencia di prensa cu e opositora venezolana Maria Corina Machado tabata programa pa e diamars aki den Instituto Nobel na Oslo, 13:00 ora lokal (12:00 GMT) un dia prome cu e ricibi Premio di Paz, a wordo retrasa. Asina Instituto Nobel na Oslo a informa, sin duna motibo pa e retraso y a agrega cu nan lo comunica e ora nobo “cu un minimo di dos ora prome”.
María Corina Machado ta bai Oslo pa ricibi Premio Nobel
OSLO – Lider di oposicion Venezolano María Corina Machado, cu ta ‘scondi’, lo bai Oslo diaranson pa ricibi su Premio Nobel di Paz personalmente. E comite Nobel a confirma cu e lo ta presente. Kristian Berg Harpviken, hefe di comite Nobel, a papia cu Machado y a confirma su bishita, pero sin duna detayes. Gobierno di Venezuela ta considera Machado manera “fugitivo” si e lanta for di pais pa bai na ceremonianan di entrega di e premio.
Follow NoticiaCla
