- Hospital Horacio Oduber tambe a participa na simulacro pa Tsunami awe
- Corsou ta den gara total di eleccion pa diabierna!
- Hospitalnan na Hulanda ta anuncia welga nacional
- Kirsty Coventry eligi como presidente nobo di Comite Olimpico Internacional
- Gobernador Boekhoudt a ricibi Consul General a.i. di Merca
Famianan di esnan perdi riba laman cerca di Corsou, a protesta na Coro pa continua cu e buskeda
WILLEMSTAD. - Wikènt tras di lomba famianan a manifestá na La Vela de Coro eksigiendo outoridatnan venezolano pa yuda ku búskeda di e personanan pèrdí. Tin indikashon ku ta piratanan a hòrta e dos botonan su motor i aparentemente lo a roba tur hende riba e botonan.
Ta asina ku un kantidat grandi di famia i konosí di e personanan ku a pèrdè den nos awanan a manifestá na Venezuela pidiendo yudansa pa ku e búskeda.
Tabata un momentu tristu pa mira kuantu persona a bini huntu pa e mesun kousa. Por a tuma nota di vários famianan ku a hiba palabra.
Kada un di e personanan akí a subi e boto rumbo pa Kòrsou ku e meta pa buska un mihó bida pero lamentablemente un tragedia a tuma lugá kaminda ku e boto a bòltu i un otro ta pèrdí i te ku dia di awe tin vários persona ku a disparsé.
Konforme informashonnan no ofisial, pero ta bin di famianan di esnan pèrdí, ta duna di konosé ku e tragedia a sosodé despues ku piratanan a yega na nan boto, roba tur hende ku ta riba e botonan pa despues kue nan motor bai kuné. E botonan a keda sin motor ta drif pa despues ola bòltu e boto i tin un pèrdí. NOTA: Texto ta den Papiamento fonetico di Corsou.
Kirsty Coventry eligi como presidente nobo di Comite Olimpico Internacional
COSTA NAVARINO - Kirsty Coventry (41) a wordo eligi como presidente di e Comite Olimpico Internacional (IOC) na Grecia. E ta e susesor di e aleman Thomas Bach, kende lo retira oficialmente for di IOC dia 23 di juni despues di un periodo di diesdos aña di ofisina.
Riba sugerencia di Nicole Hoevertsz, a nombra Thomas Bach presidente honorario di IOC pa bida
COSTA NAVARINO - E Aleman Thomas Bach, presidente di e Comite Olimpico Internacional (IOC) desde 2013 y cu lo baha na juni proximo, a wordo nombra presidente honorario di e organisacion pa bida diaranson.
Colombia ta topa Brazil awe den futbol pa eleminatorio Copa Mundial 2026
BRASILIA - E seleccion nacional di futbol di Colombia ta enfrenta un reto grandi awe diahuebs ora e enfrenta Brazil riba e di 13 dia di wega di e eliminatorio pa Copa di Mundo 2026 den e Stadion Mané Garrincha na Brasilia. Tur dos ekipo mester haña tur tres punto. Colombia ta saliendo for di un derota di 3-2 contra Paraguay y un derota di 1-0 contra Ecuador, mientras cu Brasil a empata 1-1 cu Venezuela y Uruguay.
Hulanda ta topa Spaña awe den wega di futbol importante di Nations League
AMSTERDAM – E seleccion nacional di futbol Hulandes ta topa esun di Spaña diahuebs atardi cuarto pa 4 ora di Aruba. E partido Hulanda-Spaña no ta solamente un ripiticion di e final di Mundial 2010, e ta tambe un partido entre dos cultura di futbol yen di interconexion. “Mi tabatin un tiki speransa riba esaki durante e sorteo,” Ronald Koeman ta hari. “Pa un biaha, no Francia of Alemania.” E ta pa e cuarto di final di Liga di Nacionan. Pa motibo di lesion, e favorito pa Aruba, Denzel Dumfries no ta hunga awe.
Astronautanan mericano pega ta cuminsa nan biahe di regreso
MIAMI - E astronautanan Mericano Suni Williams y Barry Wilmore a cuminsa nan biahe di regreso pa Tera despues di nuebe luna den e stacion espacial di ISS. En realidad nan mester a keda un siman den espacio, pero pa motibo di problema cu un capsula di Boeing nan no por a regresa.
Interpol a emiti alerta pa buskeda di studiante Mericano perdi na Punta Cana
PUNTA CANA – Autoridad internacional policial Interpol a a emití un alerta internacional pa e studiante perdi di Universidad di Pittsburgh Sudiksha Konanki (20) cu a disparce un siman pasa durante vacantie di primavera cu amigunan na Republica Dominicana. Konanki, di 20 aña, a wordo mira pa ultimo biaha den oranan di mainta trempan di 6 di mart rumbo pa un playa cerca di Riu Republica Hotel na Punta Cana cu un grupo di amigo.
Follow NoticiaCla
