- Hospital Horacio Oduber tambe a participa na simulacro pa Tsunami awe
- Corsou ta den gara total di eleccion pa diabierna!
- Hospitalnan na Hulanda ta anuncia welga nacional
- Kirsty Coventry eligi como presidente nobo di Comite Olimpico Internacional
- Gobernador Boekhoudt a ricibi Consul General a.i. di Merca
Gobierno a otorga 20 permiso di taxi pa hulpchaffeurs
ORANJESTAD – Gobierno a anuncia cu nan a otorga 20 permiso di taxi pa grupo di hulpchauffeurs. Segun e minister demisionario encarga cu e proceso, Ursell Arends, ta trata di eprome 20 permisonan di taxi bou di un proceso mas structura y transparente. Segun e mandatario, ror di comienso, e compromiso tabata pa sigura cu e reparticion di permisonan di taxi ta basa riba oportunidad igual pa tur ciudadano.
INVENTARISACION
Den 2023, a cuminsa cu e inventarisacion di e aplicacionnan anterior, a bin resulta cu tin hende cu tin 20 aña ta warda pa contesta riba nan peticion. Cu e cambio den maneho di permiso, a introduci structura pa un sistema mas transparente por wordo implementa. Dunando asina un servicio cu e ciudadano merece.
LISTA COMPLETO
Ademas, e minister ta bisa cu e lista completo di esnan cu ta den pipeline pa ricibi permiso di taxi, categorisa segun zaaknummer, ta disponibel publicamente riba Publico.aw bou di e tab Permiso. E prome 20 permisonan a wordo otorga segun e principio di FIFO (First-In-First-Out), basa riba e fecha di aplicacion. Den e proceso Departamento di Transporte Publico (DTP) ta contacta e aplicante pa entrega nan documentacion pa verificacion.
FASE INICIAL
Den e fase inicial aki, tur 20 persona cu a ricibi permiso ta hulpchauffeurs actual cu ta cumpli cu tur rekesito necesario, segun e minister. E cantidad extra di taxi ta basa riba e estudio di capacidad di carga unda a tene na cuenta cu e aumento di cantidad di cambernan di hotel extra na Aruba. Por mira e resultado di aumento di turista caba na con largo turista tin cu warda na airport pa por ricibi servicio di taxi. Ya caba a hisa e cantidad di asiento permisibel den vehiculo di taxi pa 7 asiento, e 7 ta sin conta e chauffeur. DTP ta encarga pa evalua e desaroyo di taxi pa adapta pa mehoracion den transcurso di tempo.
Pa mas informacion of cualkier pregunta por tuma contacto cu Departamento di Transporte Publico.
Gobernador Boekhoudt a ricibi Consul General a.i. di Merca
ORANJESTAD - Diaranson 19 di maart ultimo, Gobernador di Aruba S.E. Alfonso Boekhoudt a ricibi sr. Ramón A. Negrón, pa un audiencia di introduccion na Cas Ceremonial di Gobernador. Sr. Negrón ta e a.i. Consul-General nobo di Merca pa e region di Reino Caribense.
Wever: Consumidornan lo tin proteccion cu base legal fortifica pronto
ORANJESTAD - Diasabra ultimo, 15 di maart, mundo henter ta conmemora Dia Internacional di Derecho di Consumido. Den cuadro di esaki, riba diabierna, Aruba Fair Trade Authority a organisa un charla na Universidad di Aruba caminda a expande riba e esfuersonan andando, ambos pa proteccion di competencia husto, y muy en especial e desaroyonan riba e tereno di proteccion di consumido.
Presion ta riba formador Eman pa resolve impasse ‘nobo’ pa forma gobierno
ORANJESTAD – Formadornan Mike Eman lo mester ta haciendo intento pa e siman aki ainda, logra keda cla cu e formacion di gobierno, no obstante tur e bruhamento cu tin di ultimo dia pa cu e proceso cu atrobe tabata pega. For di un entrevista haci na e portal 24ora, e formador a duna impresion cu tur cos ta canando bon, y cu e siman aki ainda por keda cla. Sinembargo, e situacion no ta mustra asina, y cu e tin e presion interno pa tuma decision y asina si, logra keda cla e siman aki ainda manera cu Eman mes a bisa.
Politiconan di Bonaire presente na acto protocolario di Dia di Himno y Bandera
ORANJESTAD – Un delegacion di politico di e isla di Bonaire a presencia e ceremonia protocolario relaciona cu dia di Himno y Bandera di Aruba diamars ultimo. Ta trata di miembronan di Eilandsraad Cyril Vrolijk (Fraccion Vrolijk), James Kroon (UPB) y Benito Dirksz (UPB). Tambe tabatin presente, sra Nina den Heyer cu ta diputado pa Asunto Social, Enseñansa y Cultura. No ta inusual cu durante eventonan asina, politiconan di otro parti di Reino Hulandes ta presenta na Aruba, y visa versa. Riba potret cortesia di partido Futuro, por mira e politiconan di Bonaire hunto cu presidente di Parlamento Gerlien Croes y miembro di parlamento Gino Goeloe.
Partidonan dispuesto pa reuni awe riba formacion di gobierno nobo
ORANJESTAD – Por ta cu ya awe dialuna, comunidad ta conoce e nomber di e ministernan nobo di e gabinete nobo cu mester sinta proximamente. No tin nada oficial programa, pero tur partidonan ta habri y dispuesto pa reuni cu otro, aunke cu e oficina di gobernador mes oficialmente ta cera pa dianan di fiesta. Si ta bon, formadornan Mike Eman y Gerlien Croes mester a papia cu e candidatonan pa minister e fin di siman aki, y ricibi e ultimo resultado di screening di e candidatonan diabierna ultimo. Manera cu Noticiacla a bisa diabierna caba, e biaha aki no tin un fecha specifico stipula pa e siguiente encuentro entre formadornan y gobernador di Aruba, SE Alfonso Boekhoudt.
Formacion ta tranca awor pa posicion di minister plenipotenciario
ORANJESTAD – E motibo di problema pa forma un gobierno nobo, ta keda escohencia di persona pa yena funcion. Manera a bira e chiste den pueblo, ta mucho ocupa bringando cua popchi ta haya cua posicion. Si e intencion y boluntad tabatey pa awe dialuna keda cla cu e formacion y acudi na gobernador pa por los e lista di nomber di candidatonan pa minister, esaki tin cu warda algun dia mas. Por lo menos te diaranson of mas sigur diahuebs. Discusion ken ta bira e proximo minister plenipotenciario, ta awor e dolor cabez di e formadornan. Algo cu segun informacion, tabata conoci hopi tempo pero cu awor a bira un asunto primordial.
Follow NoticiaCla
