- Alerta di temblor fuerte na Venezuela ta causa preocupacion entre residente y usuario di Android
- Dos fanatico mericano di Mundial ta ricibi invitacion VIP inespera di Prome Minister di Corsou
- Wever: Fondo di inversion AIOF awor ta realidad pa financia proyectonan importante
- Analisis: Cuanto oportunidad Corsou tin contra Costa di Marfil?
- Dera gai no ta solamente un baile, sino un portret di Aruba mes
- Alerta di temblor fuerte na Venezuela ta causa preocupacion entre residente y usuario di Android
- Dos fanatico mericano di Mundial ta ricibi invitacion VIP inespera di Prome Minister di Corsou
- Wever: Fondo di inversion AIOF awor ta realidad pa financia proyectonan importante
- Analisis: Cuanto oportunidad Corsou tin contra Costa di Marfil?
- Dera gai no ta solamente un baile, sino un portret di Aruba mes
Dentro di poco lo conoce operador pa hotel di Tierra del Sol
ORANJESTAD – Si tur cos ta bon, dentro di 6 luna Tierra del Sol por divulga e nomber di e cadena hotelero di 5 strea cu lo maneha nan hotel cu ta na caminda. Un di e propietarionan nobo, Michael Mattalo a confia na NoticiaCla.com diamars cu e proceso ta canando. “E construccion di un hotel tin cu pasa varios proceso” Mattalo a sigui bisa. Mester scohe e socio hotelero apropia, pa cual nan ta den combersacionnan activo cu varios di marca di hotel. Unabes cu esaki ta estableci, ta un otro 2 aña prome cu e hotel ta fisicamente cla.
ESTUDIO
Manera tur proyecto hotelero, Mattalo ta hopi conciente cu mester pasa door di un serie di estudio di impacto socio economico, y tambe di medio ambiente, permisologia na su lugar, pa construccion por cuminsa. “Pero nos ta hopi avansa pa loke ta e combersacionnan riba e tema aki” Mattalo a sigui bisa. E hecho cu ta un hotel na un cancha di golf, no ta nifica cu e mester ta un hotel specialisa riba golf. De hecho, cualkier marca di hotel respeta, kier ta asocia cu un cancha di golf. “E ta atrae un cierto calidad di clientela. Esnan cu ta gusta gasta riba e isla”. E hecho cu Tierra del Sol a opta diamars pa asocia su mes cu e nomber Troone, como e manehado di e cancha, ta sin mas un plus pa e hotel.
ALL INCLUSIVE
E asunto di ‘all inclusive’ tin atencion di e gerencia nobo, y como tal nan ta ‘scuchando atentamente’ na e discusionnan di gobierno riba e tema. “Nos no ta den e posicion awe pa dicidi y considera cua avenida pa sigui. Nos ta simplemente warda pa claridad riba e posicion di gobierno, y nos lo alinea cu cualkier posicion cu gobierno kier”.
SITUACION FINANCIERO
E situacion financiero y laboral conflictivo , tambe ta tras di lomba y como tal 99.9% di e problemanan ta resolvi. For di aña pasa cu e gerencia nobo a tuma over oficialmente y firma, nan ta trahando cu practicamente un ‘clean slate’, pues un ‘cuenta nobo’ pues riba e parti ey tambe no tin ningun problema. “Nos kier bisa tur hende cu, pasado ta tras di nos y futuro ta nos dilanti”.