AHATA: Visa pa colombiano no ta stroba e extra buelo pa Aruba

ORANJESTAD – Cu miras riba e revocacion di visa pa colombianonan, AHATA ta content cu e progreso cu tin riba e mercado aki. E buelo inaugural di InselAir Aruba pa Medellin, Colombia dialuna, ta un paso den e bon direccion segun CEO di AHATA, Jim Hepple a bisa NoticiaCla.com. Como un di e invitadonan riba e buelo inaugural, tabata importante pa e CEO experencia esaki tambe. “Nos ta contento pasobra Colombia ta un mercado creciente pa nos. Particularmente cu negoshi di grupo”, Hepple a sigura e website aki.

VISA COLOMBIANO

Cu e kitamento di visa pa colombiano otro aña (Hepple ta haci mencion di comienso di otro aña, pero e ta mas probable mitar di otro aña), añadiendo buelonan adiccional nonstop, por ta solamente bon. E hecho cu InselAir Aruba ta bulando caba, siendo cu ainda tin e problema di visa, no ta un problema. “Tin un bon demanda for di Colombia. E mercadeo tabata hopi exitoso. “E ta nifica cu e lo bira aun mas atractivo den future. “No ta solamente hende biniendo Aruba, sino usando Aruba como un Hub, kedando algun dia prome cu nan continua cu nan biahe otro caminda”. Como tal cualquier otro buelo extra, ta establece nos isla como un hub mayor, segun Hepple. Foto ta di e buelo inaugural, unda cu Jim Hepple tambe a forma parti.