Estadonan baltico kier ‘accion rapido y decisionnan hopi cla’

BRUSELAS - Lidernan di UE a yega Bruselas pa un cumbre di emergencia riba defensa y Ucrania. Presidente di Ucrania Zelensky tambe a yega. El a ricibi un brasa for di Presidente di Comision von der Leyen. Despues Zelensky a bisa na nomber di su pais cu e tabata gradisido “Cu nos no ta nos so.”

Ademas, e lidernan di e estadonan báltiko di Estonia, Letonia i Lituania – cu ta frontera directamente cu Rusia y a sinti nan mes menasa pa añanan – a yega. Na yegada, nan a enfatisa cu awe, demasiado tempo no mester wordo malgasta den discusionnan largo. “Pasobra Ucrania awor ta cumprando nos tempo precioso, y nan ta pagando p’e ku nan sanger,” presidente di Lituania Nauseda a bisa. Promé minister di Letonia Silinia awe ta spera riba “accion rapido y desicionnan hopi cla”.