Awe Aruba por conoce su miyonario nobo cu jackpot historico di di Afl. 4.350.000,-

ORANJESTAD – Awe diabierna anochi Aruba por conoce su miyonario nobo cu por gana e jackpot historico di AFL 4.350.00,=. Diamars anochi e resultado di Mini Mega a ser conoci unda cu e numbernan cu a sali tabata 05-10-17-18 y Mega Ball 06. Apesar cu no tabata tin ganado pa e prome premio, si a conoce 2 feliz ganado cu a casi comparti e jackpot miyonario di Afl. 3.750.000,- si tabata tin e Mega Ball bon y cada un a comparti e segundo premio y a gana e suma di Afl. 28.371!  

Mini Mega cu Mega Plus ta un jackpot progresivo y door cu no a conoce ganado di e prome premio, esey ta nifica cu e jackpot ta sigui crece y pa diabierna 28 di februari e jackpot di Mini Mega y Mega Plus a bira un suma historico di 4 miyon 350 mil florin!

Na aña 2017 Lotto a kibra tur record y e jackpot a yega e suma total di 3.7 miyon pa Mini Mega y Mega Plus. E jackpot aki a conoce 2 feliz ganado di cual un ganado a gana e Mini Mega cu e suma di 1 miyon 250 mil florin cu a wordo bendi na Monserat Lottery y e otro feliz ganado a gana e Mini Mega y Mega Plus cu a bira e suma total di 2 miyon 450 mil florin y e ticket ganado a wordo bendi na Hey You Lottery. 

Pa prome biaha den historia Aruba ta conoce un jackpot cu ta surpasa 4 miyon florin!

Cumpra bo ticket trempan pa bo tambe den wega pa gana e gran suma total di 4 miyon 350 mil florin! Pa sigura bo Mega Ball, bo por cumpra bo numbernan di suerte of un loco y pidi pa e combo di All Mega Ball cu lo costa 75 florin y cu Mega Plus, e ticket lo costa 105 florin. Scohe bo numbernan di 01 te cu 30 y pidi bo rebendedo preferí pa bo combo di All Mega Ball pa asina bo tin tur e Mega Ballnan den wega!

Benta ta sera 7:30 PM asina ta, pasa na bo rebendedo preferí trempan pa asina no mester para den rij! Sorteo di Mini Mega cu Mega Plus lo hunga pa 7:45 PM diabierna awo riba Canal 13, riba nos Facebook page of nos canal di YouTube.