Hamilton ta lihe den su Ferrari riba di dos dia di test di F1

BAHREIN - E seshon di mainta di e di dos dia di prueba di Formula 1 na Bahrein no tabata malo. Un awacero raro a cai (mientras cu mayoria di e teamnan no tabatin taira di awacero disponibel) y Lewis Hamilton, e coredo nobo di Ferrari, a impreciona cu un tempo rapido.

Hamilton a registra un tempo di 1:29.379 den e condicionnan humedo. Esaki a haci e Britanico casi seis decimo mas lihe cu e tempo mas lihe fiha pa Max Verstappen aña pasa durante e test di winter na Bahrein. Despues el a marca 1.29.921 bou di condicionnan cayente y pues mas difícil.

E tempo di Hamilton tambe ta solamente dos decimo mas slow cu e tempo di Verstappen den e ultimo weekend di temporada pasa na Bahrein: 1.29.179.

NO TIN VERSTAPPEN AWE

Verstappen lo keda na banda awe. E lo ta den accion pa Red Bull diabierne, e ultimo dia di test. E hulandes a pone e di tres tempo mas rapido diarason, aunke tabata mas importante cu el a logra completa mesora 74 buelta den e auto RB21.